Boost Your Energy : తరచూ అలసటగా అనిపిస్తోందా..? మీ శక్తిని పెంచే శాస్త్రవేత్తల సరికొత్త ఫార్ములా ఇదిగో..!

సాక్షి లైఫ్ : రోజంతా ఏదో ఒక పనితో అలసిపోతున్నారా..? నీరసంగా, ఉత్సాహం లేనట్టుగా అనిపిస్తోందా..? అయితే మీ శక్తి స్థాయిలను తక్షణమే పెంచుకోవడానికి శాస్త్రవేత్తలు ఒక సులువైన మార్గాన్ని కనుగొన్నారు. కేవలం కొన్ని అడుగులు నడవడం లేదా చిన్నపాటి శారీరక శ్రమతో శరీరంలో సరికొత్త ఉత్సాహాన్ని తీసుకురావచ్చని అంతర్జాతీయ పరిశోధనలు స్పష్టం చేస్తున్నాయి.

మంచి మూడ్ లో ఉన్నప్పుడు శారీరకంగా మరింత చురుకుగా ఉంటారని, అలాగే వారు చేసే చిన్నపాటి రోజువారీ పనులు వారి మానసిక ఉల్లాసానికి కారణమవుతాయని ఈ అధ్యయనం తేల్చింది. ఈ పరిశోధనకు సంబంధించిన ఆసక్తికరమైన వివరాలు ప్రముఖ అంతర్జాతీయ సైన్స్ జర్నల్ 'నేచర్ హ్యూమన్ బిహేవియర్'లో ప్రచురితమయ్యాయి.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి.. నెయ్యి వేడి నీటిలో కలిపి తాగితే ఆరోగ్యానికి ఎంత మంచిదో తెలుసా..? 

ఇది కూడా చదవండి..  షుగర్ ఉన్నవాళ్లు పైనాపిల్ తినకూడదా..? 

స్మార్ట్‌ఫోన్‌లు, వేరబుల్స్ ద్వారా పరిశోధన..

జర్మనీలోని రూహ్ర్ యూనివర్శిటీ బోచుమ్‌తో పాటు యూరప్, అమెరికాలోని పలు ప్రముఖ విద్యాసంస్థలకు చెందిన శాస్త్రవేత్తలు సంయుక్తంగా ఈ అధ్యయనాన్ని నిర్వహించారు. ప్రపంచ వ్యాప్తంగా ఉన్న 67 పరిశోధనా బృందాల నుంచి సేకరించిన దాదాపు 3 లక్షలకు పైగా రియల్ టైమ్ మానసిక స్థితి నివేదికలను వారు క్షుణ్ణంగా విశ్లేషించారు. ఇందుకోసం 8వేలమందికి పైగా పాల్గొన్న వారి స్మార్ట్‌ఫోన్‌లు, స్మార్ట్ వాచ్‌ల వంటి ధరించగలిగే పరికరాల డేటాను ఉపయోగించారు. నిత్య జీవితంలో ప్రజల కదలికలు, వారి ఆలోచనలు, భావోద్వేగాలు ఎలా మారుతున్నాయో తెలుసుకోవడానికి ఈ సాంకేతికత పరిశోధకులకు ఎంతగానో తోడ్పడింది.

నడకతో నూతన ఉత్తేజం..!

పరిశోధనలో తేలిన ముఖ్యమైన అంశాల ప్రకారం.. శారీరక శ్రమకు, శరీరంలో ఉత్సాహం పెరగడానికి మధ్య బలమైన సంబంధం ఉంది. చిన్నపాటి శారీరక శ్రమ చేసిన సమయంలో తమలో శక్తి స్థాయిలు ఒక్కసారిగా పెరిగాయని అధ్యయనంలో పాల్గొన్న 95 శాతానికి పైగా ప్రజలు వెల్లడించారు. ప్రారంభంలో ఎక్కువ అలసటతో ఉన్నవారే ఇటువంటి చిన్నపాటి శారీరక కార్యకలాపాల వల్ల ఎక్కువగా ప్రయోజనం పొందుతున్నట్లు శాస్త్రవేత్తలు గుర్తించారు. ప్రజలు మానసికంగా సంతోషంగా ఉన్నప్పుడు సహజంగానే ఎక్కువగా నడవడానికి మొగ్గు చూపుతున్నట్లు కూడా ఈ డేటా ద్వారా స్పష్టమైంది.

చిన్న మార్పు.. పెద్ద ఫలితం..!

పరిశోధనలో భాగస్వామి అయిన అమెరికా పెన్నింగ్టన్ బయోమెడికల్ రీసెర్చ్ సెంటర్ నిపుణులు అమండా స్టైయానో మాట్లాడుతూ.. "నిజ జీవిత పరిస్థితుల్లో మానవ ఆరోగ్య ప్రవర్తనలను అర్థం చేసుకోవడానికి ఈ అధ్యయనం ఎంతో కీలకమైనది. ప్రపంచవ్యాప్తంగా ఉన్న విభిన్న జనాభా డేటాను పరిశీలించడం ద్వారా, నిత్యం మనం చేసే చిన్న చిన్న పనులు కూడా మన మానసిక స్థితిని ఎంతలా ప్రభావితం చేస్తాయో స్పష్టమైన పరిష్కారం లభించింది" అని పేర్కొన్నారు.

ల్యాబ్‌లలో కాకుండా, మనుషులు నివసించే సహజ వాతావరణంలో ఈ పరీక్షలు జరగడం విశేషం. కాబట్టి జిమ్‌లకు వెళ్లి గంటల తరబడి కష్టపడలేకపోయినా.. ఆఫీసులోనో, ఇంట్లోనో కాసేపు లేచి నడవడం, చిన్నపాటి కదలికల వల్ల అలసటను దూరం చేసుకొని రోజంతా శక్తివంతంగా గడపవచ్చని పరిశోధకులు సూచిస్తున్నారు.

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..రోజూ బెల్లం తింటే బరువు పెరుగుతారా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.