Health Problems : 15 నుంచి 20 ఏళ్ల వయసు పిల్లల్లో పెరుగుతున్న అనారోగ్య సమస్యలు ఎందుకంటే..?   

సాక్షి లైఫ్ : 15 నుంచి 20 ఏళ్ల వయసులో పిల్లలు శారీరకంగా, మానసికంగా ఎన్నో మార్పులకు లోనవుతారు, ఈ దశలో వారు ఎదుర్కొనే అలసట, నీరసం వంటి లక్షణాలను కేవలం చదువుల ఒత్తిడిగా భావించి నిర్లక్ష్యం చేయకూడదు. ఈ వయసులో పొంచి ఉన్న అనారోగ్య ముప్పుల పట్ల తల్లిదండ్రులు అప్రమత్తంగా ఉండటం అత్యంత ఆవశ్యకం.

రక్తహీనత (Anemia)..

కౌమార దశలో, ముఖ్యంగా బాలికల్లో రక్తహీనత (Anemia) సమస్య ఎక్కువగా కనిపిస్తుంది. రుతుక్రమ సమస్యలు, సరైన పోషకాహారం తీసుకోకపోవడం దీనికి ప్రధాన కారణాలు. ఐరన్ లోపం వల్ల రక్తంలో హీమోగ్లోబిన్ తగ్గి తీవ్రమైన అలసట, కళ్లు తిరగడం, చేతులు, పాదాలు చల్లబడటం వంటి లక్షణాలు ఉంటే తప్పనిసరిగా రక్తపరీక్ష చేయించాలి.

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..Sippers and Tumblers : సిప్పర్లు, టంబ్లర్లలో నీళ్లు తాగడం ఆరోగ్యానికి మంచిదేనా..?

ఆస్తమా (Asthma)..

దుమ్ము, ధూళి, వాతావరణ మార్పులు లేదా అలర్జీల కారణంగా శ్వాసనాళాల్లో వాపు వచ్చి ఆస్తమాకు దారితీస్తుంది. పిల్లలు ఆడుకుంటున్నప్పుడు పదే పదే ఆయాసం రావడం, ఛాతీ పట్టేసినట్లు ఉండటం, శ్వాస తీసుకునేటప్పుడు ఈల వేసినట్లు శబ్దం రావడం గమనిస్తే వెంటనే వైద్యులను సంప్రదించాలి.

మధుమేహం (Diabetes)..

డయాబెటిస్ కేవలం వృద్ధులకే వస్తుందనేది అపోహ మాత్రమే. టైప్-1 డయాబెటిస్ బారిన పడే ప్రమాదం ఈ వయసు పిల్లల్లో ఎక్కువగా ఉంటుంది. అలాగే స్థూలకాయం, చెడు ఆహారపు అలవాట్ల వల్ల టైప్-2 మధుమేహం కూడా దరిచేరుతోంది. అధిక దప్పిక, తరచుగా మూత్ర విసర్జన, అకారణంగా బరువు తగ్గడం, కంటిచూపు మందగించడం వంటివి దీని ప్రధాన లక్షణాలు.

అధిక రక్తపోటు (High BP)..

వ్యాయామం లేకపోవడం, జంక్ ఫుడ్ లేదా ఉప్పు ఎక్కువగా ఉండే ఆహారం తినడం వల్ల యుక్తవయసులోనే అధిక రక్తపోటు (high blood pressure) బారిన పడుతున్నారు. తరచుగా తలనొప్పి రావడం, కళ్లు తిరగడం, విపరీతమైన అలసట కనిపిస్తే బీపీని చెక్ చేయించడం ఉత్తమం.

థైరాయిడ్ సమస్యలు (Thyroid)..

శరీరంలో థైరాయిడ్ హార్మోన్ల అసమతుల్యత వల్ల పిల్లల ఎదుగుదలపై తీవ్ర ప్రభావం పడుతుంది. థైరాయిడ్ పనితీరు తగ్గితే (Hypothyroidism) బరువు పెరగడం, మలబద్ధకం, చలిగా అనిపించడం జరుగుతుంది. అదే థైరాయిడ్ ఎక్కువగా పనిచేస్తే (Hyperthyroidism) వేగంగా బరువు తగ్గడం, గుండె దడ, విపరీతంగా చెమటలు పట్టడం వంటి లక్షణాలు కనిపిస్తాయి. సమస్యలను ఆరంభంలోనే గుర్తించి వైద్యుల సలహాతో జీవనశైలి, ఆహారపు అలవాట్లలో మార్పులు చేసుకుంటే పిల్లలను భవిష్యత్తులో తీవ్రమైన వ్యాధుల బారి నుంచి సులభంగా కాపాడుకోవచ్చు.

 ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి.. కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..

ఇది కూడా చదవండి..Low Birth Weight : తక్కువ బరువుతో పుడితే.. పెద్దయ్యాక పక్షవాతం ముప్పు..! తాజా అధ్యయనం..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.