చర్మంపై కనిపించే కొలెస్ట్రాల్ ప్రమాద స్థాయిని సూసూచించే 5 లక్షణాలు

సాక్షి లైఫ్ : శరీరంలో కొలెస్ట్రాల్ పెరిగినప్పుడు కొన్నిరకాల లక్షణాలు కనిపిస్తాయి. అటువంటివాటిలో తలనొప్పి, అలసట, ఛాతీ నొప్పి వంటివి ఉన్నాయి. అయితే అధిక కొలెస్ట్రాల్ లక్షణాలు ఉన్నప్పుడు చర్మంపై ఆయా ప్రమాదం గురించి ముందుగానే హెచ్చరికలు కనిపిస్తాయి. ఆయా లక్షణాలను సకాలంలో గుర్తిస్తే, తీవ్రమైన వ్యాధులను నివారించవచ్చు. అలాంటి 5 లక్షణాల గురించి ఇప్పుడు తెలుసుకుందాం..

ఇది కూడా చదవండి..డయాబెటిస్ ఉన్నవారిలో గుండె జబ్బుల ప్రమాదాన్ని నివారించడానికి ఈ 5 చిట్కాలు.. 

ఇది కూడా చదవండి..దృష్టిని మెరుగుపరచడానికి ఎన్ని లీచ్ థెరపీ సెషన్లు అవసరం..?

ఇది కూడా చదవండి..పీఎంఎస్ కు మూడ్ స్వింగ్స్ కు ఏమైనా లింక్ ఉందా..?

 బిజీ లైఫ్, అనారోగ్యకరమైన ఆహారపు అలవాట్ల కారణంగా, అధిక కొలెస్ట్రాల్ సమస్య సర్వసాధారణంగా మారుతోంది. కొలెస్ట్రాల్ సమస్యలు గుండెను మాత్రమే ప్రభావితం చేస్తాయని చాలా మంది అనుకుంటారు, కానీ దాని ప్రభావం చర్మంపై కూడా కనిపిస్తుందని మీకు తెలుసా? ఈ సంకేతాలను సకాలంలో గుర్తించకపోతే, అది తీవ్రమైన ఆరోగ్య సమస్యలను కలిగిస్తుంది.

అవును, మీ చర్మంపై ఈ మార్పులు గమనించినట్లయితే, వాటిని ఏమాత్రం విస్మరించకండి! ఇవి మీ శరీరంలోని కొలెస్ట్రాల్ స్థాయి ప్రమాద స్థాయిని దాటిందని సూచించే సంకేతాలు కావచ్చు.  

కళ్ళ దగ్గర మచ్చలు.. 

 కళ్ళ చుట్టూ లేదా కనురెప్పలపై చిన్న పసుపు రంగు మచ్చలు గమనించినట్లయితే, ఇది అధిక కొలెస్ట్రాల్ కు సంకేతం కావచ్చు. దీనిని జాంథెలాస్మా అంటారు, ఇది మీ రక్తంలో కొలెస్ట్రాల్ స్థాయిలు పెరిగాయని సూచిస్తుంది. ఈ మచ్చలు ఉన్న దగ్గర నొప్పి ఉండదు, కానీ కాలక్రమేణా ఇవి పెరుగుతాయి. 

చేతులు, కాళ్ళపై మైనపు గడ్డలు.. 

మీ చర్మంపై చిన్న పసుపు లేదా మైనపు గడ్డలు కనిపిస్తే, అది అధిక కొలెస్ట్రాల్ సంకేతం కావచ్చు. దీనిని జాంతోమా అంటారు, ఇది శరీరంలో అదనపు కొవ్వు పేరుకుపోవడం వల్ల ఏర్పడుతుంది. ఈ గడ్డలు తరచుగా మోచేతులు, మోకాళ్లు, చేతులు, కాళ్ళపై కనిపిస్తాయి.
 

చర్మంపై దురద..  

ఎటువంటి నిర్దిష్ట కారణం లేకుండా చర్మం మంట, దురద లేదా ఎర్రగా అనిపిస్తే, అది మీ శరీరంలో చెడు కొలెస్ట్రాల్ (ఎల్ డి ఎల్) పెరిగినందుకు సంకేతం కావచ్చు. అధిక కొలెస్ట్రాల్ రక్త ప్రవాహానికి ఆటంకం కలిగిస్తుంది, దీని కారణంగా తగినంత ఆక్సిజన్ చర్మ కణాలకు చేరదు. దీని కారణంగా  చర్మంపై దద్దుర్లు, దురద రావడటం మొదలవుతుంది.

నెమ్మదిగా గాయం మానడం..  

మీ పాదాలు ఎప్పుడూ చల్లగా ఉంటాయా, లేదా చిన్న గాయాలు కూడా మానడానికి ఎక్కువ సమయం పడుతుందా? అధిక కొలెస్ట్రాల్ కారణంగా రక్త ప్రసరణ ప్రభావితమవుతోందని ఇది సంకేతం కావచ్చు. మీ సిరల్లో ప్లాక్ ఏర్పడినప్పుడు, రక్త ప్రవాహం తగ్గిపోతుంది, దీని వల్ల మీ చేతులు, కాళ్ళు చల్లగా అనిపిస్తాయి. లేదంటే గాయాలు నెమ్మదిగా నయం అవుతాయి.

గోర్లు, చర్మం రంగు మారడం.. 

మీ గోళ్ల రంగు లేత పసుపు లేదా నీలం రంగులోకి మారుతుంటే, అది కూడా అధిక కొలెస్ట్రాల్‌కు సంకేతం కావచ్చు. రక్త ప్రసరణ సరిగా లేకపోవడం వల్ల, గోళ్లు, చర్మానికి తగినంత పోషణ లభించదు, దీని కారణంగా అవి బలహీనంగా మారుతాయి.

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..?

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి..

ఇది కూడా చదవండి..అమెరికాలో కొత్త వ్యాధి.. నేరుగా మెదడుపై ప్రభావం..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.