మహిళల్లో మాత్రమే కనిపించే ఫ్యాటీ లివర్ లక్షణాలను గురించి తెలుసా..? 

సాక్షి లైఫ్ : లివర్ మన శరీరంలో ఒక ముఖ్యమైన భాగం, ఫ్యాటీ లివర్ అనేది పురుషులు, మహిళలు ఇద్దరినీ ప్రభావితం చేసే ఒక తీవ్రమైన సమస్య. మహిళల్లో దీనికి కొన్ని ప్రత్యేక లక్షణాలు కనిపిస్తాయి. సరైన ఆహారపు అలవాట్లు లేకపోవడం వల్ల ఫ్యాటీ లివర్ సమస్య రావచ్చు. దీని ప్రారంభ లక్షణాలు మీ శరీరంలో కనిపించడం మొదలవుతాయి. వాటిని నిర్లక్ష్యం చేస్తే సమస్యలు మరింతగా పెరుగుతాయని వైద్యనిపుణులు హెచ్చరిస్తున్నారు.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

 లివర్ మన శరీరంలో ఒక ముఖ్యమైన భాగం. ఇది సరిగ్గా పనిచేయకపోతే, ఫ్యాటీ లివర్ సమస్య పెరిగే ప్రమాదం ఉంది. మీ లివర్‌లో కొవ్వు పేరుకుపోవడం మొదలైనప్పుడు ఈ పరిస్థితి ఏర్పడుతుంది. సకాలంలో చికిత్స లభించకపోతే, ఈ పరిస్థితి తీవ్రంగా మారవచ్చు. కొన్నిసార్లు లివర్ ఫెయిల్యూర్ కూడా సంభవించవచ్చు.

మన శరీరంలో ఏదైనా వ్యాధి వస్తే, దాని లక్షణాలు ముందుగానే కనిపిస్తాయి. సాధారణంగా ఈ సమస్య పురుషులలో ఎక్కువగా కనిపిస్తుంది. కానీ మహిళలకు అలా కాదు. ఫ్యాటీ లివర్ కొన్ని లక్షణాలు మహిళలలో మాత్రమే కనిపిస్తాయి. మహిళల్లో మాత్రమే కనిపించే ఫ్యాటీ లివర్ లక్షణాల గురించి ఇప్పుడు వివరంగా తెలుసుకుందాం.. 

ఎప్పుడూ అలసటగా ఉండటం.. 

మహిళలు మంచి నిద్ర, విశ్రాంతి తీసుకున్న తర్వాత కూడా ఎప్పుడూ అలసిపోయినట్లుగా అనిపిస్తే, అది ఫ్యాటీ లివర్ సంకేతం కావచ్చు. దీనివల్ల మహిళల శరీరంలో శక్తి లోపం ఏర్పడుతుంది.

కడుపులో బరువు, ఉబ్బరం.. 

మహిళలలో హార్మోన్ల మార్పులు లేదా ఆహారం కారణంగా తరచుగా పొట్ట ఉబ్బరంగా అనిపిస్తుంది, ఉబ్బరం కడుపులో కుడి వైపునకు పైన ఉంటే, అది లివర్ సంబంధిత సమస్యకు సంకేతం అని గ్రహించాల్సి ఉంటుంది. వాస్తవానికి, లివర్‌లో కొవ్వు పేరుకుపోయినప్పుడు, అది ఉబ్బుతుంది, దీని కారణంగా చుట్టుపక్కల అవయవాలపై ఒత్తిడి పడుతుంది, దీనివల్ల బరువుగా లేదా కొద్దిగా నొప్పిగా అనిపించవచ్చు.

బరువు తగ్గకపోవడం.. 

ఎన్ని ప్రయత్నాలు చేసినా మీ బరువు తగ్గకపోతే అది కూడా ఫ్యాటీ లివర్ సంకేతమే. లివర్ కొవ్వుతో నిండినప్పుడు, అది శరీరంలోని కొవ్వును సరిగ్గా జీర్ణం చేయలేదు. దీనివల్ల లివర్ సంబంధిత సమస్యలు పెరుగుతాయి.

వికారంగా ఉండడం..  

ఈ లక్షణం తేలికగా అనిపించవచ్చు కానీ, ఇది ఫ్యాటీ లివర్ లక్షణాలలో ఒకటి. మీరు తరచుగా తిన్న తర్వాత వికారం లేదా గందరగోళంగా అనిపిస్తే మీరు జాగ్రత్తగా ఉండాలి.

మెడ లేదా చంకల భాగం నల్లగా మారడం.. 

మెడ లేదా చంకల వద్ద నల్లగా మారితే, అది ఇన్సులిన్ రెసిస్టెన్స్‌కు సంకేతం కావచ్చు. అంతేకాదు ఫ్యాటీ లివర్ కు ఒక పెద్ద కారణం కూడా కావచ్చు. ఇది ముఖ్యంగా PCOS లేదా మధుమేహం సమస్య ఉన్న మహిళలలో ఎక్కువగా కనిపిస్తుంది.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..