జూలో బర్డ్ ఫ్లూ కారణంగా మృతి చెందిన పులి..

సాక్షి లైఫ్ : గోరఖ్‌పూర్ జూలో బర్డ్ ఫ్లూ కారణంగా శక్తి అనే పులి మరణించిన తర్వాత అక్కడ కలకలం చెలరేగింది. సింహం, ఎలుగుబంటి, చిరుతపులి సహా 13 వన్యప్రాణుల నమూనాలను పరీక్ష కోసం భోపాల్‌కు పంపారు. జూ ప్రాంగణాన్ని శుభ్రపరుస్తున్నారు. పక్షులను జాగ్రత్తగా చూసుకోవాలని జూ కీపర్లకు ఆదేశాలు జారీ చేశారు అధికారులు. వైద్యాధికారుల బృందం జూను సందర్శించింది.

ఇది కూడా చదవండి..వాక్సిన్ గురించి వాస్తవాలు- అవాస్తవాలు..

ఇది కూడా చదవండి..తల్లిపాలే శిశువు భవిష్యత్తుకు, ఆరోగ్యపరిరక్షణకు పునాది..

ఇది కూడా చదవండి..ఆహారంలోని పురుగుమందులు దీర్ఘకాలంలో ఆరోగ్యాన్ని ఎలా ప్రభావితం చేస్తాయి..?

 శక్తి అనే పులి బర్డ్ ఫ్లూతో మరణించినట్లు నిర్ధారించిన తర్వాత జూను మూసివేశారు అధికారులు. బుధవారం కూడా, వైద్య పరీక్ష సమయంలో, ప్రాంగణం సమీపంలో రెండు కాకులు చనిపోయాయి. దీనితో పాటు, సింహం, ఎలుగుబంటి, చిరుతపులితో సహా 13 వన్యప్రాణుల నమూనాలను తీసుకున్నారు. ఆ నమూనాను భోపాల్‌లోని నేషనల్ హై సెక్యూరిటీ యానిమల్ డిసీజ్ ఇన్‌స్టిట్యూట్‌కు పరిశోధన కోసం పంపారు.  

బర్డ్ ఫ్లూ గుర్తించిన తర్వాత, జూలో నివసిస్తున్న వన్యప్రాణుల ఆరోగ్యాన్ని పరిశీలిస్తున్నారు. అంతేకాకుండా, క్యాంపస్, అటవీ ప్రాంతంలో చనిపోయిన పక్షులను పరిశీలిస్తున్నామని, బుధవారం మధ్యాహ్నం మౌంట్ సమీపంలో చనిపోయిన ఒక కాకిని సిబ్బంది కనుగొన్నారు. మరో కాకి జింకల ఎన్‌క్లోజర్ దగ్గర చనిపోయి కనిపించిందని జూ డిప్యూటీ డైరెక్టర్ డాక్టర్ యోగేష్ ప్రతాప్ సింగ్ వెల్లడించారు.  

సమాచారం అందుకున్న తర్వాత, వైద్యుల బృందం రెండు ప్రదేశాలకు చేరుకుని చనిపోయిన కాకుల నమూనాలను సేకరించింది. దీని తరువాత, బృందం వెంటనే చుట్టుపక్కల ఆవరణలో ఉన్న పులి, సింహం, మూడు చిరుతలు, మూడు ఎలుగుబంట్లు, ఐదు పక్షుల నమూనాలను సేకరించి పరీక్ష కోసం భోపాల్‌కు పంపింది. ఇతర జంతువుల నమూనాలను కూడా సేకరిస్తున్నారు. 

ఇది కూడా చదవండి..మానసిక ఆరోగ్యాన్ని మెరుగుపరిచే 5 రోజువారీ అలవాట్లు.. 

ఇది కూడా చదవండి..20 ఏళ్లలోపు వారికే గుండెపోటు ఎక్కువగా రావడానికి ప్రధాన కారణాలు.. 

ఇది కూడా చదవండి..బాడీ బిల్డింగ్ కోసం ఎక్కువగా ఎక్సర్సైజ్ చేస్తున్నారా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.