జపాన్‌లో ఇన్‌ఫ్లుఎంజా కల్లోలం.. 4వేల కేసులు, స్కూళ్లు మూసివేత.. భారత్‌కు ముప్పు ఉందా..?

సాక్షి లైఫ్ : జపాన్‌ దేశంలో అసాధారణంగా ఇన్‌ఫ్లుఎంజా (Flu) కేసులు పెరగడం కలకలం సృష్టిస్తోంది. సాధారణంగా డిసెంబర్, జనవరి నెలల్లో ఉండే ఫ్లూ సీజన్ ఈసారి ఐదు వారాల ముందే మొదలవ్వడం ఆరోగ్య నిపుణులను ఆందోళనకు గురిచేస్తోంది. ఈ వారంలో 4వేలమందికి పైగా ఫ్లూ లక్షణాలతో ఆసుపత్రుల్లో చేరారు. గత వారంతో పోలిస్తే ఇది నాలుగు రెట్లు ఎక్కువ. దేశవ్యాప్తంగా టోక్యో, ఒకినావా వంటి ప్రాంతాలలో వందకు పైగా పాఠశాలలు, బాలల సంరక్షణ కేంద్రాలను తాత్కాలికంగా మూసివేశారు. చిన్న పిల్లల్లో వైరస్ వేగంగా వ్యాపిస్తున్నట్లు అధికారులు గుర్తించారు.

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..? 

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

ఇది కూడా చదవండి..హెపటైటిస్ " ఏ" నివారించడంలో వ్యాక్సిన్ పాత్ర ఎంత..? 

సాధారణ సమయం కంటే ముందుగా ఫ్లూ వ్యాప్తి చెందడం అనేది, కోవిడ్-19 అనంతర ప్రపంచంలో వైరస్ ప్రవర్తనలో మార్పులకు సంకేతం కావచ్చని నిపుణులు హెచ్చరిస్తున్నారు. మారుతున్న వాతావరణ పరిస్థితులు, అలాగే గత కొన్నేళ్లుగా మాస్కుల వల్ల రోగనిరోధక శక్తిలో (Immunity) వచ్చిన తేడాలు ఈ అసాధారణ వ్యాప్తికి కారణాలుగా చెబుతున్నారు.

ఈ ఫ్లూ వల్ల వృద్ధులు, చిన్నపిల్లలు, దీర్ఘకాలిక ఆరోగ్య సమస్యలు ఉన్నవారు త్వరగా టీకాలు తీసుకోవడం చాలా అవసరమని ఆరోగ్య అధికారులు సూచిస్తున్నారు. అలాగే, మాస్కులు ధరించడం, చేతులు శుభ్రంగా కడుక్కోవడం వంటి జాగ్రత్తలు పాటించాలని కోరుతున్నారు.

ప్రస్తుతం ఇది కేవలం కాలానుగుణంగా వచ్చే ఫ్లూ (Seasonal Flu) వ్యాప్తి మాత్రమే అయినప్పటికీ, దీని తీవ్రత కారణంగా వైద్య వ్యవస్థపై ఒత్తిడి పెరుగుతోంది. ఇతర దేశాలు, ముఖ్యంగా శీతల వాతావరణం వైపు వెళ్తున్న భారత్ వంటి దేశాల ప్రజలు అప్రమత్తంగా ఉండాలని నిపుణులు సలహా ఇస్తున్నారు.

ఇది కూడా చదవండి..బ్యాడ్ ఫుడ్ కాంబినేషన్ : ఎలాంటి ఆహారాలను కలిపి తీసుకోకూడదు

ఇది కూడా చదవండి..కాలేయం దెబ్బతింటుందని సూచించే సంకేతాలు ఇవే..  

ఇది కూడా చదవండి..హెపటైటిస్ ఏ సమస్య వర్షాకాలంలోనే పెరగడానికి కారణాలు..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..