Summer alert : ఈ టిప్స్ పాటిస్తే చాలు.. మీ కూలర్లు ‘ఏసీ’ కంటే ఎక్కువ చల్లదనాన్నిస్తాయి..!

సాక్షి లైఫ్ : ఉష్ణోగ్రతలు 40 డిగ్రీలు దాటుతున్న తరుణంలో వేసవి తాపాన్ని తట్టుకోవడానికి సామాన్యుడికి ఎయిర్ కూలరే దిక్కు. అయితే చాలామంది తమ కూలర్ సరిగ్గా చల్లబరచడం లేదని చెబుతూ ఉంటారు. ఏసీ కొనేంత స్తోమత లేకపోయినా పర్వాలేదు.. మీరు వాడుతున్న సాధారణ కూలర్‌కే చిన్న చిన్న మెరుగులు దిద్దితే ఏసీని మించిన చల్లదనాన్ని పొందవచ్చని నిపుణులు చెబుతున్నారు. ఆ చిట్కాలేంటో మీకోసం..

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

ఇది కూడా చదవండి.. ఎలాంటి కొలెస్ట్రాల్ ఆరోగ్యానికి మంచిది..?

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

కిటికీలు మూయకండి.. 

చాలామంది ఏసీ లాగే కూలర్ వేసినప్పుడు కూడా గది తలుపులు, కిటికీలు బిగదీస్తుంటారు. ఇది ముమ్మాటికీ తప్పే! ఏసీ గదిలోని గాలినే చల్లబరుస్తుంది, కానీ కూలర్ పనితీరు వేరు. కూలర్‌కు బయటి నుండి తాజా గాలి అందాలి. అందుకే కూలర్‌ను ఎప్పుడూ కిటికీ దగ్గరే ఉంచాలి. గదికి మరో వైపున ఉన్న కిటికీని కొద్దిగా తెరిచి ఉంచితే క్రాస్ వెంటిలేషన్ ఏర్పడి, గదిలోని తేమ (Humidity) బయటకు వెళ్లిపోతుంది. ఫలితంగా గది త్వరగా చల్లబడుతుంది.

ప్యాడ్‌లు మార్చారా..?

కూలర్ చల్లదనం అంతా అది వాడే ప్యాడ్‌లపైనే ఆధారపడి ఉంటుంది. పాత గడ్డి (Wood wool) వాడుతుంటే అందులో దుమ్ము పేరుకుపోయి గాలిని అడ్డుకుంటుంది. అందుకే ప్రతి సీజన్‌లో కొత్త ప్యాడ్‌లు వేయడం మంచిది. ఒకవేళ మీరు ‘హనీకోంబ్’ ప్యాడ్లు వాడుతుంటే.. వాటిని బయటకు తీసి నీటితో శుభ్రంగా కడగాలి. ప్యాడ్‌లు ఎంత శుభ్రంగా ఉంటే నీరు అంత సమానంగా వ్యాపించి, గాలిని చల్లగా మారుస్తుంది.

ఐస్ ముక్కలతో ‘ఐస్‌లాండ్’లా..

ఎండ తీవ్రత ఎక్కువగా ఉన్నప్పుడు కూలర్ ట్యాంక్‌లో సాధారణ నీటితో పాటు కొన్ని ఐస్ ముక్కలను (Ice cubes) లేదా చల్లటి నీటిని వేయండి. పంప్ ద్వారా ఈ చల్లటి నీరు ప్యాడ్‌లకు చేరినప్పుడు, వాటి గుండా వచ్చే గాలి ఉష్ణోగ్రత గణనీయంగా తగ్గి ఏసీ లాంటి అనుభూతిని ఇస్తుంది. అయితే, మరీ ఎక్కువ ఐస్ వేయకండి.. ఇది మోటార్‌పై ఒత్తిడి పెంచే అవకాశం ఉంది.

ఎండ తగలకుండా చూసుకోండి..

కూలర్ వెనుక భాగం లేదా వాటర్ ట్యాంక్ నేరుగా ఎండలో ఉంటే లోపల నీరు త్వరగా వేడెక్కుతుంది. దీనివల్ల చల్లటి గాలికి బదులు వేడి గాలి వస్తుంది. అందుకే కూలర్ పైన చిన్న నీడ ఉండేలా చూడండి. అలాగే కూలర్‌ను నేలపై కాకుండా కొంచెం ఎత్తులో (స్టాండ్‌పై) ఉంచండి. వేడి గాలి ఎప్పుడూ పైకి లేస్తుంది కాబట్టి, ఎత్తులో ఉన్న కూలర్ చల్లటి గాలిని నేరుగా మీ శరీరానికి అందిస్తుంది. ఈ చిన్న చిన్న జాగ్రత్తలు పాటిస్తే విద్యుత్ ఖర్చు తక్కువతోనే మీ ఇల్లు వేసవిలోనూ చల్లని సోలారిలా మారుతుంది. ఇంకెందుకు ఆలస్యం.. ఈరోజే ఈ మార్పులు చేసి చూడండి..!

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..? 

ఇది కూడా చదవండి..ఈ 5 సప్లిమెంట్స్ కు డబ్బు దండగ అంటున్న వైద్యనిపుణులు..! 

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.