హంటింగ్టన్ వ్యాధికి సరికొత్త చికిత్స.. 

సాక్షి లైఫ్ : హంటింగ్టన్ వ్యాధి అనేది మెదడును నెమ్మదిగా నాశనం చేసే వ్యాధి. ఈ వ్యాధి సోకడం వల్ల మొదట శారీరక, మానసిక సామర్థ్యాలను కోల్పోవడం జరుగుతుంది. ఇప్పటివరకు, ఈ వ్యాధికి చికిత్స అందుబాటులో లేదు. ఆయా వ్యాధి లక్షణాలను నియంత్రించడానికి మందులు మాత్రమే అందుబాటులో ఉన్నాయి. తాజాగా శాస్త్రవేత్తలు జరిపిన అధ్యయనంలో హంటింగ్టన్ వ్యాధికి సరికొత్త చికిత్స ను కనుగొన్నారు.   

ఇది కూడా చదవండి.. ఎలాంటి రోగాలకు యునాని ఉపయోగపడుతుంది..?  

 జన్యు చికిత్స ద్వారా హంటింగ్టన్ వ్యాధిని తగ్గించవచ్చని పరిశోధకులు చెబుతున్నారు. ఈ సరికొత్త జన్యు చికిత్స హంటింగ్టన్ వ్యాధిని చాలా వరకు నయం చేయడానికి వీలుకలుగుతుందని వారు అంటున్నారు. జన్యుచికిత్స వ్యాధి పురోగతిని 75శాతం నెమ్మదిస్తుందని సరికొత్త అధ్యయనాలు చెబుతున్నాయి. భవిష్యత్తులో హంటింగ్టన్ వ్యాధికి శాశ్వత నివారణ సాధ్యమవుతుందని వెల్లడిస్తున్నారు శాస్త్రవేత్తలు.

 
హంటింగ్టన్ వ్యాధి పురోగతిని నెమ్మదింపజేయవచ్చని పరిశోధనలో వెల్లడైంది. జన్యు చికిత్స అనేది అత్యంత ప్రభావవంతమైన చికిత్స, దీని పురోగతిని 75 శాతం వరకు తగ్గించగలదని పరిశోధకులు వెల్లడిస్తున్నారు. హంటింగ్టన్ వ్యాధి అనేది మెదడు కణాలను ప్రభావితం చేసే జన్యుపరమైన రుగ్మత.

ఈ పరిశోధన రెండు దశల్లో నిర్వహించారు. మొదటి దశ 20 నుంచి 100 మందిపై కొత్త చికిత్స ఎలాంటి పనితీరు కనబరుస్తుంది..? అనేది అంచనా వేయగా, రెండవ దశలో సుమారు 300 మందిని పరీక్షించారు. హంటింగ్టన్ వ్యాధి అనేది జన్యుపరమైన రుగ్మత, ఇది కాలక్రమేణా మెదడులోని నాడీ కణాల క్షీణతకు కారణమవుతుంది, ఇది మానసిక ఆరోగ్యాన్ని ప్రభావితం చేస్తుంది.

ఇది కూడా చదవండి.. మండుటెండల్లో చల్లగా ఉంచే సమ్మర్ హెల్తీ డ్రింక్.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.