Seizure Causes : మూర్ఛ వ్యాధికి 6 అంశాలే ప్రధాన ప్రేరకాలు.. నిపుణులు ఏమంటున్నారంటే..?

సాక్షి లైఫ్ : మూర్ఛ వ్యాధి (Epilepsy) అనేది మెదడులోని విద్యుత్ సంకేతాల్లో తలెత్తే స్వల్పకాలిక అంతరాయం. అయితే, చాలామందిలో ఈ సమస్య ఒక్కోసారి తీవ్రమవడానికి మన దైనందిన అలవాట్లే కారణమవుతుంటాయి. నిద్రలేమి నుంచి అధిక స్క్రీన్ టైమ్ వరకు.. మూర్ఛను ప్రేరేపించే ఆరు ముఖ్యమైన అంశాలను గురించి న్యూరాలజిస్టులు అందిస్తున్న ప్రత్యేక విశ్లేషణ మీకోసం.

ఇది కూడా చదవండి..కిడ్నీ వ్యాధి లక్షణాలు: ఈ సంకేతాలను అస్సలు నిర్లక్ష్యం చేయవద్దు..

ఇది కూడా చదవండి..ఆహారంలో అవకాడోను ఎలా చేర్చుకుంటే మరిన్ని ఆరోగ్య ప్రయోజనాలు అంటే..?

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

ఇది కూడా చదవండి...బ్యాడ్ ఫుడ్ కాంబినేషన్ : ఎలాంటి ఆహారాలను కలిపి తీసుకోకూడదు

1. నిద్రలేమితో మెదడుపై ఒత్తిడి..  

మూర్ఛ వ్యాధిగ్రస్తుల్లో ఫిట్స్ రావడానికి 'నిద్రలేమి' అత్యంత ప్రధాన కారణం. సరైన నిద్ర లేకపోవడం వల్ల మెదడు కణాల పనితీరులో అసమతుల్యత ఏర్పడుతుంది. ఒక్క రాత్రి నిద్ర సరిగ్గా లేకపోయినా, అది మూర్ఛ వచ్చే ప్రమాదాన్ని రెట్టింపు చేస్తుందని వైద్యులు హెచ్చరిస్తున్నారు.

2. మానసిక, శారీరక అలసట..  

అధిక ఆందోళన, తీవ్రమైన భావోద్వేగాలు మెదడులోని న్యూరోకెమికల్ సమతుల్యతను దెబ్బతీస్తాయి. అలాగే, శరీరం తట్టుకోలేనంత శారీరక శ్రమ చేయడం కూడా మెదడుపై ఒత్తిడిని పెంచి ఫిట్స్ రావడానికి దారితీస్తుంది.

3. మందుల వాడకంలో నిర్లక్ష్యం..  

మూర్ఛ వ్యాధిని అదుపులో ఉంచడానికి మందులే ఏకైక మార్గం. రక్తంలో ఈ మందుల స్థాయి స్థిరంగా ఉన్నప్పుడే మెదడు ప్రశాంతంగా ఉంటుంది. ఒక్క డోస్ వేసుకోకపోయినా లేదా సమయం తప్పినా, వ్యాధి తీవ్రత పెరిగే అవకాశం ఉంది.

4. 'స్క్రీన్' సమయం.. ఫోటో సెన్సిటివిటీ..!

ప్రకాశవంతమైన మెరుపులు, టీవీ లేదా మొబైల్ స్క్రీన్‌ల నుంచి వచ్చే కాంతి తరంగాలు కొంతమందిలో మూర్ఛను ప్రేరేపిస్తాయి. దీనిని వైద్య పరిభాషలో 'ఫోటో సెన్సిటివిటీ' అంటారు. విరామం లేకుండా గంటల తరబడి గేమింగ్ లేదా వీడియోలు చూడటం మూర్ఛ రోగులకు ఏమాత్రం మంచిది కాదు.

5. ఆహారపు అలవాట్లు, డీహైడ్రేషన్..  

సమయానికి భోజనం చేయకపోవడం (Skipping meals) వల్ల రక్తంలో చక్కెర స్థాయిలు తగ్గి మెదడుపై ప్రభావం చూపుతుంది. అలాగే, శరీరంలో నీటి శాతం తగ్గడం (Dehydration), అధికంగా కెఫీన్ (టీ, కాఫీ) లేదా మద్యం సేవించడం వల్ల కూడా మూర్ఛ వచ్చే ముప్పు పెరుగుతుంది.

6. హార్మోన్ల మార్పులు & అనారోగ్యం..  

మహిళల్లో నెలసరి సమయంలో జరిగే హార్మోన్ల మార్పుల వల్ల మూర్ఛ వచ్చే తీరు మారుతుంటుంది. దీనిని 'కాటమెనియల్ ఎపిలెప్సీ' అంటారు. అలాగే తీవ్రమైన జ్వరం లేదా ఇతర ఇన్ఫెక్షన్లు సోకినప్పుడు శరీరం చూపే ప్రతిస్పందన కూడా మూర్ఛకు కారణం కావచ్చు.

తప్పనిసరిగా తీసుకోవాల్సిన జాగ్రత్తలు..  
 
ప్రతిరోజూ కనీసం 7 నుంచి 8 గంటల గాఢ నిద్ర అవసరం. వైద్యులు సూచించిన మందులను ఖచ్చితమైన సమయానికి వేసుకోవాలి. యోగా, ధ్యానం ద్వారా మానసిక ఒత్తిడిని తగ్గించుకోవాలి. ఎండలో వెళ్లేటప్పుడు లేదా స్క్రీన్ చూసేటప్పుడు తగిన జాగ్రత్తలు తీసుకోవాలి.

ఇది కూడా చదవండి..హెపటైటిస్ " ఏ" నివారించడంలో వ్యాక్సిన్ పాత్ర ఎంత..? 

ఇది కూడా చదవండి..Rainy Season : వర్షాకాలంలో తప్పనిసరిగా తీసుకోవాల్సిన కొన్ని కూరగాయలు

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..? 

ఇది కూడా చదవండి..వారానికి రెండుసార్లు తీసుకోవడం ద్వారా అవకాడోతో గుండెపోటుకు చెక్.. !

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..