Eating Together as a Family : కుటుంబంతో కలిసి భోజనం.. మెదడు చురుకుదనానికి ఇంధనం..!

సాక్షి లైఫ్ : ప్రస్తుత ఉరుకుల పరుగుల జీవితంలో, సాంకేతికత పుణ్యమా అని ఒకే ఇంట్లో ఉంటున్నా ఎవరి లోకంలో వారు విహరిస్తున్నారు. అయితే, రోజులో కనీసం ఒక్కసారైనా కుటుంబ సభ్యులందరూ కలిసి కూర్చుని భోజనం చేయడం వల్ల మానసిక శ్రేయస్సు అద్భుతంగా మెరుగుపడుతుందని, మెదడు పనితీరు చురుగ్గా మారుతుందని బ్రిటన్ శాస్త్రవేత్తల తాజా అధ్యయనంలో తేలింది. ఈ అలవాటు వల్ల ఒంటరితనం, రోజువారీ మానసిక ఒత్తిడి వంటి సమస్యలు దరిచేరవని పరిశోధకులు స్పష్టం చేస్తున్నారు.

ఇది కూడా చదవండి..గుండె నొప్పిని ఎలా గుర్తించవచ్చు..?

 ఇది కూడా చదవండి.. చెడు కొలెస్ట్రాల్ ను నియంత్రించే పనస పండు.. 

 ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

ఇది కూడా చదవండి.. టీబీని సకాలంలో గుర్తించకపోతే ఏమౌతుంది..?

యూకేలోని ప్రముఖ ‘రీడింగ్ విశ్వవిద్యాలయానికి’ చెందిన పరిశోధకులు సారా స్నగ్స్, కేట్ హార్వే నేతృత్వంలో ఈ అధ్యయనం సాగింది. దీనికి సంబంధించిన ఆసక్తికర వివరాలు ‘న్యూట్రియెంట్స్’ అనే అంతర్జాతీయ శాస్త్రీయ పత్రికలో ప్రచురితమయ్యాయి.

అంతా ఒకచోట చేరడం.. 

డైనింగ్ టేబుల్ వద్ద కుటుంబం అంతా ఒకచోట చేరడం అనేది కేవలం ఆహారం తినే ప్రక్రియ మాత్రమే కాదని, అది భావాలను పంచుకునే ఒక చక్కని సామాజిక వాతావరణాన్ని సృష్టిస్తుందని శాస్త్రవేత్తలు విశ్లేషించారు.

ఆలోచనలను ఒకరితో ఒకరు పంచుకోవడం వల్ల..

భోజనం చేస్తూ రోజంతా జరిగిన విషయాలను, ఆలోచనలను ఒకరితో ఒకరు పంచుకోవడం వల్ల మనసులోని భారం తగ్గుతుంది.

మెదడు కేంద్రాల ఉత్తేజం..
 
ఈ సమయంలో సాగే ఆరోగ్యకరమైన సంభాషణలు, చర్చలు మెదడులోని జ్ఞాపకశక్తి, ఏకాగ్రత, భాషా నైపుణ్యాలకు సంబంధించిన కీలక ప్రాంతాలను చురుగ్గా ఉత్తేజపరుస్తాయి.

దీర్ఘకాలిక స్థిరత్వం..
 
నిరంతరాయంగా సాగే ఈ అలవాటు మెదడు ఆరోగ్యాన్ని బలపరచడమే కాకుండా, వ్యక్తికి దీర్ఘకాలిక మానసిక స్థిరత్వాన్ని, భద్రతా భావాన్ని ప్రసాదిస్తుంది.

ఒంటరితనానికి దూరంగా..  

క్రమం తప్పకుండా కుటుంబంతో కలిసి భోజనం చేసే వారిలో మానసిక, అభిజ్ఞా (Cognitive) ఆరోగ్య సూచికలు మెరుగ్గా ఉన్నట్లు పరిశోధనలో వెల్లడైంది. ఇటువంటి వారిలో తీవ్రమైన ఒత్తిడి స్థాయిలు తగ్గడమే కాకుండా, ఆధునిక కాలంలో చాలా మందిని వేధిస్తున్న ‘ఒంటరితనం’ అనే భావన పూర్తిగా నశిస్తుందని పరిశోధకులు గుర్తించారు. కుటుంబ బంధాలను బలోపేతం చేయడంలోనూ, మొత్తం జీవన నాణ్యతను పెంచడంలోనూ ఈ చిన్న అలవాటు ఎంతో కీలక పాత్ర పోషిస్తుంది.

మానసిక, శారీరక ఆరోగ్యానికి ఎంతో మేలు..

కుటుంబంతో కలిసి భోజనం చేయడం మానసిక, శారీరక ఆరోగ్యానికి ఎంతో మేలు చేస్తుందని ధృవీకరించిన పరిశోధకులు.. ఒక ముఖ్యమైన విషయాన్ని కూడా నొక్కి చెప్పారు. ఈ ఒక్క అలవాటే సంపూర్ణ ఆరోగ్యానికి సరిపోదని, దీనితో పాటు సమతుల్య ఆహారం, క్రమబద్ధమైన శారీరక శ్రమ,తగినంత నిద్రతో కూడిన సమగ్ర ఆరోగ్యకరమైన జీవనశైలిని పాటించడం తప్పనిసరని వైద్య నిపుణులు సూచిస్తున్నారు.

ఇది కూడా చదవండి..Vitamin B12 and Vitamin B9 Deficiency : భారతీయుల్లో వేగంగా పెరుగుతున్న విటమిన్ ‘బి12’, ‘విటమిన్ బి9’ లోపాలు..! కారణాలు ఏమిటంటే..? 

 ఇది కూడా చదవండి..Signs of Diabetes : చాలామంది పట్టించుకోని మధుమేహం ముందస్తు హెచ్చరికలు ఇవే..!

ఇది కూడా చదవండి.. తినే ఆహారానికి, అనారోగ్య సమస్యలకు లింక్ ఏంటి..? 

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.