Vitamin D Deficiency : విటమిన్ "డి" లోపంతో క్రానిక్ ఇన్ఫ్లమేషన్..! యూనివర్శిటీ ఆఫ్ సౌత్ ఆస్ట్రేలియా పరిశోధకుల అధ్యయనం

సాక్షి లైఫ్ : మనిషి ఆరోగ్యంగా, ఉత్సాహంగా ఉండాలంటే శరీరానికి అన్ని రకాల పోషకాలు అవసరం. అయితే, ప్రస్తుత కాలంలో చాలామందిని వేధిస్తున్న ప్రధాన సమస్య 'విటమిన్-డి' లోపం. కేవలం ఎముకల గట్టిదనానికే కాకుండా, శరీరంలో దీర్ఘకాలిక వాపులను (Chronic Inflammation) నివారించడంలోనూ ఈ 'సూర్యరశ్మి విటమిన్' కీలక పాత్ర పోషిస్తుందని తాజా పరిశోధనలు వెల్లడిస్తున్నాయి.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి.. ఫ్యాటీ లివర్ ఏ ఏ అవయవాలపై ప్రభావం చూపుతుంది..?

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

పరిశోధనలో తేలిందేమిటి..?

యూనివర్శిటీ ఆఫ్ సౌత్ ఆస్ట్రేలియా పరిశోధకులు సుమారు 2.94 లక్షల మందిపై జరిపిన అధ్యయనంలో విటమిన్-డికి, ఇన్ఫ్లమేషన్‌కు మధ్య ఉన్న సంబంధాన్ని గుర్తించారు. శరీరంలో వాపులు ఉన్నప్పుడు రక్తంలో 'సి-రియాక్టివ్ ప్రోటీన్' స్థాయిలు పెరుగుతాయి. విటమిన్-డి తక్కువగా ఉన్న వారిలో ఈ ప్రోటీన్ స్థాయిలు అధికంగా ఉన్నట్లు శాస్త్రవేత్తలు గుర్తించారు.

విటమిన్-డి లోపం వల్ల గుండె జబ్బులు, మధుమేహం, నిద్రలేమి వంటి దీర్ఘకాలిక సమస్యలు తలెత్తే అవకాశం ఉంది. 2025లో జరిగిన మరో అధ్యయనం ప్రకారం.. తగినంత విటమిన్-డి శరీరంలోని కణజాలాన్ని ఆరోగ్యంగా ఉంచి, వృద్ధాప్య ఛాయలను ఆలస్యం చేస్తుంది.

లోపాన్ని అధిగమించడం ఎలా..?

అమెరికా వంటి దేశాల్లో దాదాపు 35శాతం మంది డి విటమిన్ లోపంతో బాధపడుతున్నారు. దీనిని భర్తీ చేయడం చాలా సులభమని నిపుణులు సూచిస్తున్నారు. ఉదయం పూట కాసేపు ఎండలో గడపడం వల్ల శరీరం సహజంగానే విటమిన్-డిని తయారు చేసుకుంటుంది. కేవలం ఎండ మాత్రమే కాకుండా మనం తీసుకునే ఆహారంలోనూ మార్పులు చేసుకోవాలి. ముఖ్యంగా మైటాకే (Maitake) రకం పుట్టగొడుగులు. సాల్మన్ వంటి కొవ్వు అధికంగా ఉండే చేపలు. విటమిన్-డి కలిపిన పాలు, పెరుగు, ఆరెంజ్ జ్యూస్, తృణధాన్యాలు (Cereals). సోయా పాలకు సంబంధించిన ఉత్పత్తులు.

వైద్యుల పర్యవేక్షణలో..
 
విటమిన్ డి లోపం వల్ల వచ్చే ఇన్ఫ్లమేషన్‌ను తిరిగి సాధారణ స్థితికి తీసుకురావచ్చు. అయితే, సొంతంగా సప్లిమెంట్లు వాడటం కంటే డాక్టర్ సలహా మేరకు రక్త పరీక్ష చేయించుకుని, సరైన మోతాదులో వాడటం ఉత్తమం. ముఖ్యంగా 65 ఏళ్లు పైబడిన వారు, గర్భిణీలు వైద్యుల పర్యవేక్షణలోనే వీటిని తీసుకోవాలి. కేవలం విటమిన్-డి మాత్రలు వేసుకుంటేనే సరిపోదు. చురుకైన జీవనశైలి, సమతుల్య ఆహారం కూడా ఆరోగ్యానికి ప్రధాన సూత్రాలని గుర్తుంచుకోవాలి.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

 ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.