Relief for women: ‘హెచ్‌పీవీ’ టీకా వేసుకుంటే మహిళలకు ఇక స్క్రీనింగ్‌ టెస్టులతో పని తక్కువే..!

సాక్షి లైఫ్ : గర్భాశయ ముఖద్వార క్యాన్సర్ (Cervical Cancer) నివారణలో కీలక మలుపు. హ్యూమన్ పాపిలోమా వైరస్ (HPV) టీకా తీసుకున్న మహిళలకు ఇకపై జీవితకాలంలో కేవలం రెండు లేదా మూడుసార్లు స్క్రీనింగ్ పరీక్షలు చేయించుకుంటే సరిపోతుందని తాజా పరిశోధనలు వెల్లడించాయి. ప్రతి మూడు లేదా ఐదేళ్లకు ఒకసారి చేసే సాధారణ పరీక్షల కంటే, టీకా తీసుకున్న వారికి ఎక్కువ విరామంతో కూడిన పరీక్షలే మేలని శాస్త్రవేత్తలు సూచిస్తున్నారు.

ఇది కూడా చదవండి.. ఫ్యాటీ లివర్ ఏ ఏ అవయవాలపై ప్రభావం చూపుతుంది..?

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

తాజా పరిశోధనలో ఏం తేలింది..?

ప్రముఖ వైద్య పత్రిక 'అన్నల్స్ ఆఫ్ ఇంటర్నల్ మెడిసిన్'లో ప్రచురితమైన అధ్యయనం ప్రకారం.. 30 ఏళ్ల వయసు లోపు హెచ్‌పీవీ టీకా వేసుకున్న మహిళలకు భవిష్యత్తులో క్యాన్సర్ ముప్పు గణనీయంగా తగ్గుతుంది.

12-24 ఏళ్ల లోపు టీకా వేసుకుంటే: వీరు తమ జీవితకాలంలో కేవలం 2 నుంచి 3 సార్లు మాత్రమే స్క్రీనింగ్ చేయించుకోవడం సురక్షితం. ప్రతి 15 నుంచి 25 ఏళ్లకు ఒకసారి పరీక్ష చేస్తే సరిపోతుందని పరిశోధకులు అంచనా వేస్తున్నారు.

25-30 ఏళ్ల మధ్య టీకా వేసుకుంటే: వీరు ప్రతి 10 ఏళ్లకు ఒకసారి పరీక్ష చేయించుకోవడం అవసరం.

అనవసరమైన పరీక్షల నుంచి విముక్తి..

ప్రస్తుతం ఉన్న నిబంధనల ప్రకారం, మహిళలు ప్రతి 3 నుంచి 5 ఏళ్లకు ఒకసారి 'పాప్ స్మియర్' లేదా 'హెచ్‌పీవీ' పరీక్షలు చేయించుకోవాల్సి వస్తోంది. అయితే, టీకా ద్వారా 90 శాతం కంటే ఎక్కువ రక్షణ లభిస్తున్న నేపథ్యంలో, పదేపదే పరీక్షలు చేయడం వల్ల ఖర్చు పెరగడమే కాకుండా, రోగుల్లో అనవసర ఆందోళనలకు దారితీస్తోందని నిపుణులు అభిప్రాయపడుతున్నారు.

టీకా ప్రాధాన్యత..

గర్భాశయ క్యాన్సర్ వచ్చే కేసుల్లో దాదాపు 70 శాతం కేవలం 16, 18 రకాల హెచ్‌పీవీ వైరస్‌ల వల్లే సంభవిస్తాయి. చిన్న వయసులోనే (9-14 ఏళ్ల మధ్య) టీకా తీసుకోవడం వల్ల అత్యుత్తమ రోగనిరోధక శక్తి లభిస్తుందని వైద్యులు చెబుతున్నారు. 2026 నాటికి అందుబాటులోకి వచ్చిన కొత్త గణాంకాల ప్రకారం, టీకా తీసుకున్న వారిలో క్యాన్సర్ వచ్చే అవకాశాలు నామమాత్రంగానే ఉన్నాయి.

 
టీకా తీసుకున్నప్పటికీ క్రమం తప్పకుండా పరీక్షలు అవసరమే, కానీ ఆ పరీక్షల మధ్య వ్యవధిని పెంచవచ్చు. ఇది ఆరోగ్య వ్యవస్థపై భారాన్ని తగ్గించడమే కాకుండా, మహిళలకు శారీరక, మానసిక ఉపశమనాన్ని ఇస్తుంది" అని హార్వర్డ్ విశ్వవిద్యాలయ శాస్త్రవేత్తలు పేర్కొన్నారు. అయితే, టీకా వేసుకోని వారు మాత్రం ప్రస్తుతమున్న నిబంధనల ప్రకారమే క్రమం తప్పకుండా పరీక్షలు చేయించుకోవాలని స్పష్టం చేశారు.

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

 ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.