Essential Nutrients for Women : మహిళలు ఆరోగ్యంగా ఉండాలంటే తీసుకోవాల్సిన సరైన పోషకాలు ఇవే..!

సాక్షి లైఫ్ : మగువలు ప్రతి వయసులోనూ తమ ఆహారంపై ప్రత్యేక శ్రద్ధ వహించాలి. ఇంటి బాధ్యతల్లో పడి సొంత ఆరోగ్యాన్ని నిర్లక్ష్యం చేసే మహిళలు.. ఈ పోషకాలను తమ మెనూలో చేర్చుకోవడం ద్వారా నిత్యం ఉత్సాహంగా ఉండవచ్చని నిపుణులు సూచిస్తున్నారు. కుటుంబం అంతటి ఆరోగ్యాన్ని చూసుకునే మహిళలు, తమ పోషణ విషయంలో మాత్రం తరచుగా అశ్రద్ధ చూపుతుంటారు. వయసుతో పాటు వచ్చే శారీరక మార్పులు, హార్మోన్ల అసమతుల్యతను తట్టుకోవాలంటే సరైన ఆహారం తీసుకోవడం అనివార్యం. మహిళా లోకం తమ డైట్‌లో తప్పనిసరిగా చేర్చుకోవాల్సిన ముఖ్యమైన పోషకాలు ఇవే..

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి.. ఫ్యాటీ లివర్ ఏ ఏ అవయవాలపై ప్రభావం చూపుతుంది..?

1. ప్రోటీన్.. కండరాల పటుత్వానికి..

కండరాల నిర్మాణానికి, శరీరానికి అవసరమైన శక్తిని అందించడానికి ప్రోటీన్ ఎంతో అవసరం.

వనరులు..పప్పుధాన్యాలు, గుడ్లు, జున్ను (పన్నీర్), సోయా, చికెన్.

ప్రయోజనం..ఇది శరీర దృఢత్వాన్ని పెంచుతుంది మరియు త్వరగా అలసిపోకుండా కాపాడుతుంది.

2. ఐరన్ రక్తహీనతకు చెక్..!

భారతీయ మహిళల్లో రక్తహీనత (Anemia) అనేది ప్రధాన సమస్య. శరీరంలో రక్తం పెరగడానికి, ఆక్సిజన్ సరఫరా సక్రమంగా జరగడానికి ఐరన్ కీలకం.

వనరులు: పాలకూర వంటి ఆకుకూరలు, బీన్స్, రాజ్మా, ఖర్జూరం మరియు ఎర్ర మాంసం.

ప్రయోజనం: నీరసం, తల తిరగడం వంటి సమస్యలను నివారించి రోజంతా చురుగ్గా ఉంచుతుంది.

3. కాల్షియం & విటమిన్-డి: ఎముకల బలానికి..

వయసు పెరిగే కొద్దీ మహిళల్లో ఎముకల సాంద్రత తగ్గి 'ఆస్టియోపోరోసిస్' వంటి సమస్యలు వచ్చే అవకాశం ఉంది.

కాల్షియం.. పాలు, పెరుగు, బాదం, ఆకుకూరల్లో లభిస్తుంది.

విటమిన్ డి..ఇది ఎముకలు కాల్షియాన్ని గ్రహించడంలో సహాయపడుతుంది. సూర్యరశ్మి, పుట్టగొడుగులు, పాలు దీనికి ప్రధాన వనరులు.

4. విటమిన్ సి..చర్మ సౌందర్యం.. రోగనిరోధక శక్తి..

చర్మాన్ని ఆరోగ్యంగా ఉంచడమే కాకుండా, శరీర రోగనిరోధక శక్తిని పెంచడంలో విటమిన్-సి ముందుంటుంది.

వనరులు.. ఉసిరి, నారింజ, కివీ, స్ట్రాబెర్రీ, నిమ్మజాతి ఫలాలు.
ప్రయోజనం.. ఇవి ఇన్ఫెక్షన్ల నుంచి రక్షణ కల్పించడంతో పాటు చర్మంపై ముడతలు రాకుండా కాపాడుతాయి.

5. ఫైబర్.. జీర్ణక్రియ మెరుగుదలకు..

మలబద్ధకం వంటి జీర్ణ సంబంధిత సమస్యలను దూరం చేయడానికి ఫైబర్ అధికంగా ఉండే ఆహారం తీసుకోవాలి. వనరులు.. ఓట్స్, బ్రౌన్ రైస్, తాజా పండ్లు,కూరగాయలు.

ప్రయోజనం.. ఇవి బరువును నియంత్రించడమే కాకుండా శరీరంలోని వ్యర్థాలను బయటకు పంపడంలో సహాయపడుతాయి. సమతుల్య ఆహారం తీసుకోవడంతో పాటు రోజూ తగినంత నీరు తాగడం, క్రమం తప్పకుండా వ్యాయామం చేయడం వల్ల మహిళలు సంపూర్ణ ఆరోగ్యవంతులుగా ఉండడానికి వీలు కలుగుతుంది.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

 ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.