Boost Your Immunity : శీతాకాలంలో తప్పకుండా తీసుకోవాల్సిన 6 పవర్ విటమిన్లు..

సాక్షి లైఫ్ : శీతాకాలం వచ్చిందంటే చాలు, చల్లని వాతావరణంతో పాటు జలుబు, దగ్గు, ఫ్లూ వంటి సీజనల్ వ్యాధుల ప్రమాదం కూడా పెరుగుతుంది. ఈ సమయంలో మన శరీరం రోగనిరోధక శక్తిని (Immunity) బలోపేతం చేసుకోవడం చాలా ముఖ్యం. ఇందుకోసం విటమిన్లు అధికంగా ఉండే ఆహారాలను తీసుకోవాలని ఆరోగ్య నిపుణులు సూచిస్తున్నారు. మరి, చలికాలంలో మనల్ని ఆరోగ్యంగా ఉంచే ఆ 6 అద్భుతమైన విటమిన్ల నిధి ఎలాంటి ఆహార పదార్థాలలో దాగి ఉందో ఇప్పుడు తెలుసుకుందాం.. 

ఇది కూడా చదవండి..Beat the Winter Blues : వింటర్ బ్లూస్ కు చెక్ పెట్టండి.. మానసిక ఉల్లాసాన్ని పెంచుకోండిలా..!

ఇది కూడా చదవండి..Hot Yoga : హాట్ యోగా ఎలాంటి వాళ్లు చేయకూడదు ఎందుకు..?

ఇది కూడా చదవండి..Acanthosis Nigricans : అకాంథోసిస్ నైగ్రికన్స్ అంటే ఏమిటి..?

ఇది కూడా చదవండి..హార్ట్ ఎటాక్ తర్వాత తొలి 60 నిమిషాలు ఎందుకంత కీలకం..?

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

 విటమిన్-సి (Vitamin C) - తెల్ల రక్తకణాల కోసం..  

విటమిన్-సీ అంటేనే ఇమ్యూనిటీకి బ్రాండ్ అంబాసిడర్..! ఇది తెల్ల రక్త కణాల (White Blood Cells) ఉత్పత్తిని పెంచుతుంది, ఇవి శరీరంలోకి ప్రవేశించే వైరస్‌లు, బ్యాక్టీరియాలతో పోరాడతాయి.

వేటిలోదొరుకుతుంది అంటే..?..

ఉసిరికాయ (Amla) (నారింజ కంటే 20 రెట్లు ఎక్కువ), నిమ్మకాయలు, నారింజ, బత్తాయి, క్యాప్సికం, బ్రొకోలీలో పొందవచ్చు.

  విటమిన్-డి (Vitamin D) - జలుబుకు చెక్.. 

చలికాలంలో సూర్యరశ్మి తక్కువగా ఉంటుంది, అందుకే విటమిన్-డి లోపం ఏర్పడే అవకాశం ఎక్కువ. ఈ విటమిన్ రోగనిరోధక కణాల సామర్థ్యాన్ని పెంచి, జలుబు, ఫ్లూ వంటి అంటువ్యాధుల నుంచి రక్షణ కల్పిస్తుంది.

వేటిలోదొరుకుతుంది అంటే..?..

కొవ్వు చేపలు (Salmon, Tuna), గుడ్డు సొన (Egg Yolk), పుట్టగొడుగులు (Mushrooms), పాలు, పెరుగు, ఫోర్టిఫైడ్ ఆహారాలలో దొరుకుతుంది.

  విటమిన్-ఎ (Vitamin A) - రక్షణ గోడ.. 

విటమిన్-ఎ చర్మం, శ్వాసకోశ, జీర్ణవ్యవస్థ వంటి శరీరంలోని అవయవాలకు మొదటి రక్షణ గోడలా పనిచేస్తుంది. ఇది ఇన్ఫెక్షన్ల నుంచి రక్షణ కల్పించడంలో కీలక పాత్ర పోషిస్తుంది.

వేటిలోదొరుకుతుంది అంటే..?..

 క్యారెట్లు (Carrots), చిలకడ దుంపలు (Sweet Potatoes), పాలకూర (Spinach), గుమ్మడికాయ, ఆకుపచ్చ ఆకుకూరలలో పొందవచ్చు.

 విటమిన్-ఇ (Vitamin E) - యాంటీఆక్సిడెంట్ శక్తి.. 

విటమిన్-ఈ శక్తివంతమైన యాంటీఆక్సిడెంట్‌గా పనిచేస్తుంది. ఇది శరీర కణాలను ఫ్రీ రాడికల్స్ నుండి కాపాడుతుంది, ఇవి రోగనిరోధక శక్తిని దెబ్బతీస్తాయి.

వేటిలోదొరుకుతుంది అంటే..?..

బాదం, వాల్‌నట్స్ వంటి నట్స్, పొద్దుతిరుగుడు గింజలు (Sunflower Seeds), అవకాడో, ఆకుకూరలలో లభిస్తుంది.

 విటమిన్-బి6 (Vitamin B6) - యాంటీబాడీల ఉత్పత్తి
రోగనిరోధక వ్యవస్థకు అవసరమైన యాంటీబాడీల (Antibodies) ఉత్పత్తికి మరియు టీ-కణాల (T-cells) పనితీరుకు విటమిన్-బీ6 చాలా అవసరం. ఈ కణాలే వైరస్‌లతో పోరాడతాయి.

వేటిలోదొరుకుతుంది అంటే..?..

సాల్మన్ చేపలు, చికెన్, బొప్పాయి, ఆకుపచ్చ బీన్స్, చిక్కుళ్ళు (Legumes), అరటిపండ్లు తీసుకోవాలి.

 విటమిన్-బి12 (Vitamin B12)లోపం ఉంటే రోగనిరోధక కణాల ఉత్పత్తి మందగిస్తుంది. ఇది తెల్ల రక్త కణాల ఆరోగ్యాన్ని, పనితీరును మెరుగుపరచడంలో సహాయపడుతుంది.

వేటిలోదొరుకుతుంది అంటే..?.. పాల ఉత్పత్తులు (పాలు, పెరుగు, మజ్జిగ), గుడ్లు, చేపలు, మాంసం. చలికాలంలో రోజువారీ ఆహారంలో ఈ విటమిన్లు ఉండేలా చూసుకోవడం ద్వారా రోగనిరోధక శక్తిని పెంపొందించుకోవచ్చు. అప్పుడే సీజనల్ వ్యాధులను సమర్థవంతంగా ఎదుర్కోవచ్చని వైద్య నిపుణులు వెల్లడిస్తున్నారు.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి.. ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి.. వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.