Gas Problem : ఉదయాన్నే గ్యాస్ సమస్యతో ఇబ్బంది పడుతున్నారా..? ఈ చిట్కాలతో నిమిషాల్లో ఉపశమనం..!

సాక్షి లైఫ్ : నేటి ఉరుకుల పరుగుల జీవితంలో ఆహారపు అలవాట్లు మారిపోయాయి. రాత్రి ఆలస్యంగా భోజనం చేయడం, సరిగ్గా నిద్రపోకపోవడం, నూనె పదార్థాలు ఎక్కువగా తీసుకోవడం వల్ల చాలామంది ఉదయం నిద్రలేవగానే కడుపు ఉబ్బరం, గ్యాస్ సమస్యతో సతమతమవుతున్నారు. ఈ అసౌకర్యం రోజంతా చికాకు కలిగిస్తుంది. అయితే, కొన్ని చిన్నపాటి మార్పులు, వంటింటి చిట్కాలతో ఈ సమస్య నుంచి తక్షణమే బయటపడవచ్చు. ఆ మార్గాలేంటో చూద్దాం..

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..ప్లేట్‌లెట్ కౌంట్ ను ఎలా పెంచుకోవచ్చు..? 

ఇది కూడా చదవండి..కొరియన్ డైట్ తో వేగంగా బరువు తగ్గడం ఎలా..?

1. గోరువెచ్చని నీరే దివ్యౌషధం.. 

ఉదయం నిద్రలేవగానే ఖాళీ కడుపుతో ఒక గ్లాసు గోరువెచ్చని నీరు తాగడం అలవాటు చేసుకోండి. ఇది జీర్ణవ్యవస్థను ఉత్తేజపరచడమే కాకుండా, ప్రేగులలో పేరుకుపోయిన వ్యర్థాలను బయటకు పంపిస్తుంది. తద్వారా కడుపు బిగువు తగ్గి, గ్యాస్ సులభంగా విడుదలవుతుంది.

2. వాము - నల్ల ఉప్పు మిశ్రమం.. 

గ్యాస్ సమస్యకు వాము (Celery/Ajwain) అద్భుతంగా పనిచేస్తుంది. ఒక టీస్పూన్ వాముకు కొద్దిగా నల్ల ఉప్పును కలిపి తీసుకుంటే జీర్ణక్రియ వేగవంతమవుతుంది. ఇది పొట్టలోని ఎసిడిటీని తగ్గించి, ఉబ్బరం నుంచి తక్షణ ఉపశమనం కలిగిస్తుంది.

3. నడకతో జీర్ణక్రియ వేగవంతం.. 

కడుపు బరువుగా అనిపించినప్పుడు ఒకే చోట కూర్చోకుండా, ఓ 10 నుంచి 15 నిమిషాల పాటు ఆరుబయట తేలికపాటి నడక సాగించండి. శరీర కదలికల వల్ల జీర్ణకోశం చురుగ్గా మారి, పేరుకుపోయిన గ్యాస్ బయటకు పోవడానికి మార్గం సుగమం అవుతుంది. ఇది మీ జీవక్రియను (Metabolism) కూడా మెరుగుపరుస్తుంది.

4. పవనముక్తాసనంతో ఉపశమనం.. 

యోగ సాధనలో గ్యాస్ సమస్యకు 'పవనముక్తాసనం' అత్యుత్తమ పరిష్కారం. ఉదయాన్నే కొన్ని నిమిషాల పాటు ఈ ఆసనాన్ని వేయడం వల్ల పొట్టపై ఒత్తిడి పడి, గ్యాస్ సమస్య తొలగిపోతుంది. క్రమం తప్పకుండా యోగా చేయడం వల్ల మలబద్ధకం వంటి దీర్ఘకాలిక సమస్యలు కూడా దూరమవుతాయి.

కేవలం చిట్కాలు పాటించడమే కాకుండా, కొన్ని అలవాట్లను మార్చుకోవాలని నిపుణులు సూచిస్తున్నారు. అవేంటంటే..? 

టీ,కాఫీలు..

 ఖాళీ కడుపుతో టీ లేదా కాఫీ తాగడం వల్ల గ్యాస్ సమస్య మరింత తీవ్రమవుతుంది.

ఆలస్యంగా భోజనం..

 రాత్రిపూట ఆలస్యంగా, భారీగా భోజనం చేయడం మానుకోండి.

నూనె పదార్థాలు..

అతిగా వేయించిన, మసాలాలు ఎక్కువగా ఉన్న ఆహారానికి దూరంగా ఉండండి.

తినే పద్ధతి.. 

ఆహారాన్ని నమిలి మింగకుండా, చాలా వేగంగా తినడం వల్ల కూడా గాలి కడుపులోకి వెళ్లి గ్యాస్ ఏర్పడుతుంది. ఈ చిట్కాలు పాటించినా సమస్య తగ్గకుండా.. తీవ్రమైన కడుపునొప్పి, వాంతులు, నిరంతర ఉబ్బరం వంటి లక్షణాలు ఉంటే ఆలస్యం చేయకుండా వెంటనే వైద్యుడిని సంప్రదించడం ఉత్తమం.

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..?

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?  

ఇది కూడా చదవండి..థ్రోంబోసైట్లు అంటే ఏమిటి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.