Cryonics : క్రయోనిక్స్ విధానం ద్వారా మరణించినా మళ్లీ బతకొచ్చా..?

సాక్షి లైఫ్ : చనిపోయిన మనిషిని తిరిగి బతికించడం.. నిజంగా సాధ్యమేనా అంటే కొందరు శాస్త్రవేత్తలు ఖచ్చింతంగా సాధ్యమేనని బల్లగుద్ది చెబుతున్నారు. అయితే 'రీబర్త్' వంటి సంస్థలు ముందుకు తీసుకొస్తున్న క్రయోనిక్స్ సాంకేతికతపై ప్రపంచవ్యాప్తంగా వైద్య, శాస్త్రవేత్తల నుంచి భిన్నాభిప్రాయాలు వ్యక్తమవుతున్నాయి. మరణించిన వ్యక్తిని తిరిగి బతికించడం అనేది ప్రస్తుత వైద్య శాస్త్రానికి ఒక పెద్ద సవాల్‌. మరణించిన వ్యక్తుల శరీరాలను లేదా మెదళ్లను భవిష్యత్తులో వైద్య సాంకేతికత భారీగా అభివృద్ధి చెందుతుందన్న నమ్మకంతో అత్యల్ప ఉష్ణోగ్రతల్లో భద్రపరిచే పద్ధతినే క్రయోనిక్స్ అంటారు.

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..బ్లడ్ క్యాన్సర్ ను గుర్తించడానికి ఎలాంటి పరీక్షలు చేస్తారు..?

ద్రవ నత్రజని ఉష్ణోగ్రతల వరకు చల్లబరచి, మరణించిన వారిని భవిష్యత్తులో తిరిగి బతికించే అవకాశం ఉంటుందని ఈ సాంకేతికతపై కొందరికి నమ్మకం కలుగుతోంది. భవిష్యత్తులో చికిత్సలు, థెరపీలు మరింత అభివృద్ధి చెందుతాయని భావిస్తున్న శాస్త్రవేత్తలు, కొన్ని సంస్థలు క్రయోనిక్స్ సేవలను అందిస్తున్నాయి. శరీరాన్ని పూర్తిగా భద్రపరచడం, లేక మెదడును మాత్రమే నిల్వ చేయడం.

ఇవి ప్రస్తుతం అమలులో ఉన్న రెండు విధానాలు. ఒక్కసారి చనిపోయిన వారిని నిజంగా తిరిగి బతికించడం సాధ్యమా? ఇది ఇప్పటికీ పెద్ద చర్చలే జరుగుతున్నాయి. అయితే రాబోయే టెక్నాలజీపై నమ్మకమే ఈ విధానానికి బలం అంటున్నారు నిపుణులు.

అత్యంత శీతల స్థితిలో ఉన్న శరీరాన్ని తిరిగి సాధారణ ఉష్ణోగ్రతకు తీసుకువచ్చి, మెదడు పనితీరును పూర్తిగా పునరుద్ధరించడం అనేది ప్రస్తుత సైన్స్ పరిధిలో సాధ్యం కాదు. దీనికి నానోటెక్నాలజీ, మైక్రో-రోబోటిక్స్ వంటి అద్భుతమైన సాంకేతికతలు భవిష్యత్తులో అవసరం అవుతాయి.

అయితే ఒక వ్యక్తిని ఇలా భద్రపరచడం నైతికంగా సరైనదేనా? తిరిగి బతికించే ప్రక్రియ విఫలమైతే పరిస్థితి ఏంటి? వంటి అంశాలపై చర్చలు కొనసాగుతున్నాయి. ఈ 'రీబర్త్ ' వంటి సంస్థలు భవిష్యత్తుపై ఆశగా క్రయోనిక్స్ సేవలను అందిస్తున్నప్పటికీ, దీనిని ఒక సుదూర శాస్త్రీయ ప్రయోగంగా మాత్రమే పరిగణించాలని వైద్యనిపుణులు హెచ్చరిస్తున్నారు.

ఇది కూడా చదవండి..మార్నింగ్ వాక్ చేసేటపుడు ఈ ఆరు విషయాలు గుర్తుంచుకోండి..ఎందుకంటే..?

ఇది కూడా చదవండి.. కొరియన్ డైట్ తో వేగంగా బరువు తగ్గడం ఎలా..?  

ఇది కూడా చదవండి..బ్లడ్ క్యాన్సర్‌లో ఎన్ని రకాలు ఉన్నాయి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.