శ్వాసకోశ ఇన్ఫెక్షన్‌లను గుర్తించడానికి రక్త పరీక్షల కంటే లాలాజల పరీక్షలతోనే మెరుగైన ఫలితాలు

సాక్షి లైఫ్ : లాలాజల పరీక్షలు ప్రామాణిక రక్త పరీక్ష కంటే పిల్లలలో పునరావృత మయ్యే శ్వాసకోశ ఇన్ఫెక్షన్ల తీవ్రతను మరింత ఖచ్చితంగా నిర్ధారిస్తాయని సరికొత్త అధ్యయనం వెల్లడించింది. నెదర్లాండ్స్ కు చెందిన రాడ్‌బౌడమ్క్ అమాలియా చిల్డ్రన్స్ హాస్పిటల్ అండ్ యూఎంసి ఉట్రెచ్ట్ విల్హెల్మినా చిల్డ్రన్స్ హాస్పిటల్ పరిశోధకులు నిర్వహించిన అధ్యయనం లాలాజలంలో తక్కువ స్థాయిలో విస్తృతంగా రక్షిత ప్రతిరోధకాలు పిల్లలలో న్యుమోనియా ఎపిసోడ్ల సంభావ్యతతో ముడిపడి ఉన్నాయని వెల్లడించింది. ఈ పద్ధతి విలువైన రోగనిర్ధారణ సమాచారాన్ని అందిస్తుంది. అంతేకాదు ఇది పిల్లలకు కూడా మరింత సౌకర్యవంతంగా ఉంటుంది.

 ఇది కూడా చదవండి.. స్పైసీ ఫుడ్స్ తినడం వల్ల బరువు తగ్గుతారా..? 

 ఇది కూడా చదవండి.. ఉదయాన్నే ప్రోటీన్-రిచ్ బ్రేక్ ఫాస్ట్ తీసుకుంటే ఈ ఏడు బెనిఫిట్స్ పొందవచ్చు.. 

 ఇది కూడా చదవండి.. మీరు చికెన్ లివర్ తింటున్నారా? ఈ విషయాలు తెలుసుకోవాలి..

శిశువైద్యులకు సవాలు..

పునరావృత శ్వాసకోశ ఇన్ఫెక్షన్లు 10-15 శాతం మంది పిల్లలను ప్రభావితం చేస్తాయి. సాధారణంగా, శిశువైద్యులు యాంటీబాడీ లోపాలను అంతర్లీన స్థితిగా గుర్తించడానికి రక్త పరీక్షలపై ఆధారపడతారు. అయితే ఈ పరీక్షలు పరిమితమైన ఫలితాలను మాత్రమే చూపిస్తాయని పరిశోధకులు చెబుతున్నారు. "ఇది శిశువైద్యులకు సవాలుగా మారిందని, మేము నిజంగా పిల్లలకు సహాయం చేయాలనుకుంటున్నాము" అని రాడ్‌బౌడమ్‌క్‌లోని పీడియాట్రిక్ ఇన్ఫెక్షియస్ డిసీజ్ స్పెషలిస్ట్ డా. లిల్లీ వెర్హాగెన్ అన్నారు.

100 మంది పిల్లలపై అధ్యయనం..

"లాలాజల పరీక్ష వ్యాధి తీవ్రతను బాగా సూచించగలదా అని తాము గుర్తించామని, ఇది పిల్లలకు మరింత ఇంటెన్సివ్ కేర్ లేదా యాంటీబయాటిక్ చికిత్స అవసరమో నిర్ణయించడంలో సహాయపడుతుంది" అని ఆమె తెలిపారు. పునరావృత శ్వాసకోశ ఇన్ఫెక్షన్లతో బాధపడుతున్న 100 మంది పిల్లలపై అధ్యయనం చేశారు. వ్యాధి తీవ్రతను సూచించడంలో రక్త పరీక్షల కంటే లాలాజలం ద్వారా సేకరించిన శాంపిల్స్ మరింత ప్రభావవంతంగా ఉన్నాయని శాస్త్రవేత్తలు కనుగొన్నారు.

"రక్త ప్రతిరోధకాలు, వ్యాధి భారం మధ్య ఎటువంటి సహసంబంధం లేదని మేము గమనించాము, అయితే లాలాజలం అనేక రకాలైన వ్యాధికారక క్రిములతో పోరాడే విస్తృతంగా రక్షిత ప్రతిరోధకాలను వెల్లడించింది. ఈ ప్రతిరోధకాల తక్కువ స్థాయిలు ఉన్న పిల్లలు మరింత తీవ్రమైన ఇన్ఫెక్షన్‌లను ఎదుర్కొన్నారు," అని  రాడ్‌బౌడమ్క్ అమాలియా చిల్డ్రన్స్ హాస్పిటల్ అండ్ యూఎంసి ఉట్రెచ్ట్ విల్హెల్మినా చిల్డ్రన్స్ హాస్పిటల్ కి చెందిన డా.మిస్చ కొనిన్ వివరించారు.

 ఇది కూడా చదవండి.. థైరాయిడ్ సమస్యలు ఎందుకు పెరుగుతున్నాయి..?

 ఇది కూడా చదవండి.. హెల్తీ డైట్: పిల్లల పెరుగుదలకు సహాయపడే ఆహారం..

 ఇది కూడా చదవండి.. కొలెస్ట్రాల్ అంటే ఏమిటి..? ఇది ఎన్ని రకాలు..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.