Do Weight-Loss Medicines : బరువు తగ్గించే మందులు లైఫ్ లాంగ్ వాడాల్సిందేనా..? ఆపేస్తే మళ్లీ మొదటికే..  

సాక్షి లైఫ్ : అధిక బరువుతో బాధపడేవారికి ఈ మధ్య కాలంలో బరువు తగ్గించే ఇంజెక్షన్లు, మందులు (Weight-loss drugs) ఒక వరంగా మారాయి. వీటి ప్రభావంతో కిలోల కొద్దీ బరువు తగ్గుతూ చాలామంది సంబరపడుతున్నారు. అయితే, ఈ మందుల వెనుక ఒక 'అసలు వాస్తవం' దాగి ఉందని నిపుణులు హెచ్చరిస్తున్నారు. ఒకసారి ఈ మందులు వాడటం మొదలుపెడితే, ఫలితం నిలవాలంటే జీవితాంతం కొనసాగించాల్సి రావచ్చునని పరిశోధనలు స్పష్టం చేస్తున్నాయి.

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..బ్లడ్ క్యాన్సర్ ను గుర్తించడానికి ఎలాంటి పరీక్షలు చేస్తారు..?

ఎందుకీ ఆందోళన..?

చాలామంది ఈ మందులను ఒక నిర్ణీత కాలం పాటు వాడి, బరువు తగ్గాక ఆపేయవచ్చని భావిస్తారు. కానీ వాస్తవం దీనికి భిన్నంగా ఉంది. తిరిగి పెరుగుతున్న బరువు: ఇటీవల జరిగిన పలు అధ్యయనాల ప్రకారం.. ఈ మందులను నిలిపివేసిన కొద్ది కాలంలోనే రోగులు కోల్పోయిన బరువులో మూడింట రెండు వంతులు మళ్లీ పెరిగినట్లు గుర్తించారు.

ఆకలిపై నియంత్రణ..ఈ మందులు మెదడులోని ఆకలి సంకేతాలను నియంత్రించడం ద్వారా పనిచేస్తాయి. మందు ఆపేయగానే మళ్లీ విపరీతమైన ఆకలి (Rebound hunger) మొదలై, తినే ఆహారం పరిమాణం పెరుగుతోంది.

జీవక్రియలో మార్పులు.. బరువు తగ్గే క్రమంలో శరీరం తన జీవక్రియను (Metabolism) మందగింపజేస్తుంది. మందులు మానేశాక ఈ మందగించిన జీవక్రియ వల్ల బరువు వేగంగా పెరుగుతుంది.

నిపుణులు ఏమంటున్నారు..?

వైద్య నిపుణుల అభిప్రాయం ప్రకారం, ఈ మందులను అధిక రక్తపోటు (BP) లేదా మధుమేహం (Diabetes) మందుల తరహాలోనే చూడాలి. అవి ఎలాగైతే సమస్యను అదుపులో ఉంచుతాయో, ఈ మందులు కూడా బరువును అదుపులో ఉంచుతాయి తప్ప శాశ్వత పరిష్కారం చూపవు. ఇది ఒక తాత్కాలిక చికిత్స కాదు. దీర్ఘకాలికంగా బరువును నిర్వహించే ప్రక్రియ. మందులు ఆపేయాలని భావించే వారు ముందస్తు జాగ్రత్తలు తీసుకోకపోతే ఫలితం శూన్యమని ఎండోక్రినాలజిస్టులు చెబుతున్నారు. 

మనం ఏం చేయాలి..?

బరువు తగ్గడం ఎంత ముఖ్యమో, దాన్ని నిలబెట్టుకోవడం అంతకంటే ముఖ్యం. అందుకోసం.. మందులపైనే ఆధారపడవద్దు..కేవలం మందులతోనే బరువు తగ్గాలని చూడకుండా, క్రమశిక్షణతో కూడిన ఆహారం, వ్యాయామం అలవాటు చేసుకోవాలి.మందుల మోతాదు తగ్గించాలన్నా లేదా ఆపేయాలన్నా సొంత నిర్ణయాలు తీసుకోకుండా నిపుణుల పర్యవేక్షణలోనే చేయాలి.

మందులు వాడుతున్నప్పుడే ఆరోగ్యకరమైన అలవాట్లను జీర్ణించుకుంటే, భవిష్యత్తులో బరువు పెరగకుండా కొంతవరకు అడ్డుకోవచ్చు. అధిక బరువు అనేది ఒక దీర్ఘకాలిక ఆరోగ్య సమస్య. దీనికి మందులు ఒక సాధనం మాత్రమే కానీ, సంపూర్ణ పరిష్కారం కాదని గుర్తించాలి. కేవలం మందుల మీద ఆధారపడటం కంటే సమతుల్య జీవనశైలే ఆరోగ్యానికి అసలైన సూత్రమని గ్రహించాలి.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..