యాంటీబయాటిక్స్ మన శరీరంపై ఎలాంటి దుష్ప్రభావాలు  చూపుతాయి..?    

సాక్షి లైఫ్ : యాంటీబయాటిక్స్ అనేవి బాక్టీరియాతో పోరాడటానికి ఉపయోగించే మందులు. వీటిని జబ్బులు కలిగించే బాక్టీరియాను చంపడానికి లేదా వాటి పెరుగుదలను ఆపడానికి ఉపయోగిస్తారు. యాంటీబయాటిక్స్ శరీరంపై రెండు రకాలుగా ప్రభావం చూపుతాయి.  మంచి ప్రభావాలు, చెడు ప్రభావాలు. చాలామంది తమ ఇష్టానుసారంగా యాంటీ బయాటిక్స్ వాడుతుంటారు. డాక్టర్ ను కూడా సంప్రదించకుండా యాంటీబయాటిక్స్ వినియోగించేవారు ప్రపంచంలో లక్షలాది మంది ఉన్నారని అధ్యయనాలు వెల్లడిస్తున్నాయి. చిన్నపాటి జబ్బులు వచ్చినా వైద్యులను సంప్రదించకుండా మెడికల్‌ షాపులకు వెళ్లి మందులు వాడుతున్నారు.

ఇది కూడా చదవండి..సడెన్ గా డైట్ చేంజ్ చేస్తే శరీరంలో ఎలాంటి మార్పులు సంభవిస్తాయి..? 

ఇది కూడా చదవండి.. 30 ఏళ్ల తర్వాత శరీరానికి కొల్లాజెన్ ఎందుకు ముఖ్యమంటే..?

ఇది కూడా చదవండి.. చర్మ సమస్యలు రాకుండా ఎలాంటి కేర్ అవసరం..?

ఇది కూడా చదవండి.. మెంటల్ హెల్త్, ఫిజికల్ హెల్త్ కు ఇవి చాలా అవసరం.. 

కొన్నిసార్లు ఇష్టపూర్వకంగా మందులు తీసుకున్నప్పటికీ, వ్యాధి నయం కాకపోవడమేకాకుండా, సమస్య మరింత పెరుగుతుంది. ఎందుకు ఇలా జరుగుతుంది..అంటే..? శరీరం యాంటీబయాటిక్ రెసిస్టెంట్ గా మారడమే దీనికి కారణం. అతిగా యాంటీబయాటిక్ మందులు వినియోగించడమే దీనికి ప్రధాన కారణం. శరీరం హెవీ యాంటీబయాటిక్స్ బారిన పడితే ఏ రోగం తగ్గదు.

పరిశోధనలు ఏం చెబుతున్నాయి..? 

ప్రపంచంలోని ప్రతిష్టాత్మక మెడికల్ జర్నల్ "ది లాన్సెట్" ఔషధాలపై అనేక అధ్యయనాలను నిర్వహిస్తుంది. దీని ప్రకారం, ఎవరైనా యాంటీబయాటిక్స్ ఎక్కువగా తీసుకుంటే, అతని శరీరంపై ఇతర మందుల ప్రభావం తగ్గుతుందట. 

 అజిత్రోమైసిన్ ఎక్కువగా వినియోగిస్తున్నట్లు అని నివేదికలో నివేదించబడింది. భారతదేశంలోని మెడికల్ స్టోర్లలో లభించే చాలా యాంటీబయాటిక్ మందులు సెంట్రల్ డ్రగ్ రెగ్యులేటర్ ఆమోదం లేకుండానే విక్రయిస్తున్నాయని కూడా "ది లాన్సెట్" తన నివేదికలో పేర్కొంది. భారతదేశంలోని చాలా మంది ప్రజలు మెడికల్ స్టోర్ల నుంచి  యాంటీబయాటిక్స్ కొని వినియోగిస్తారని కూడా ఇందులో ప్రస్తావించింది.

ఎక్కువ మంది..

రెండు రకాల ప్రైవేట్ ఆసుపత్రులు, క్లినిక్‌లు ఉండడం వల్ల భారతదేశంలో చాలా మంది ప్రజలు మెడికల్ స్టోర్లపై ఆధారపడుతున్నారు. గ్రామీణ ప్రాంతాల్లోని రోగులకు కూడా  యాంటీబయాటిక్స్ ఇస్తారు. ప్రైవేట్ ఆస్పత్రులు, పెద్ద క్లినిక్‌లు చిన్న చిన్న జబ్బులకు కూడా భారీ మొత్తంలో ఫీజులు వసూలు చేస్తున్నాయి. వైద్యుల ఫీజులు చాలా ఖరీదైనవి కాబట్టి ప్రజలు మెడికల్ స్టోర్ల పై ఆధారపడి యాంటీబయాటిక్ మెడిసిన్స్ ఎక్కువగా వాడుతున్నారని "ది లాన్సెట్" జర్నల్ వెల్లడించింది. 

గణాంకాల ప్రకారం.. 

2000 సంవత్సరం నుంచి  2010 సంవత్సరం వరకు10 సంవత్సరాలలో యాంటీబయాటిక్ వినియోగం ప్రపంచవ్యాప్తంగా 36 శాతం పెరిగింది.
2019 సంవత్సరంలో విక్రయించిన అన్ని మందులలో 77.1 శాతం యాంటీబయాటిక్స్ మాత్రమే. ప్రపంచవ్యాప్తంగా విక్రయించే అన్ని యాంటీబయాటిక్స్‌లో 72.1 శాతం ఆమోదం పొందలేదు.

 
యాంటీబయాటిక్స్ సైడ్ ఎఫెక్ట్స్.. 

చిన్న సమస్యలకు యాంటీబయాటిక్స్ తీసుకోవడం వల్ల తీవ్రమైన పరిణామాలను ఎదుర్కోవలసి వస్తుంది. ముఖ్యంగా చిన్న చిన్న అనారోగ్య సమస్యలకు యాంటీబయాటిక్స్ తీసుకోవడం కొంతమందికి అలవాటుగా మారింది. అయితే ఈ విధంగా యాంటీబయాటిక్స్ తీసుకోవడం వల్ల ఉన్న సమస్యలేకాకుండా కొత్త అనారోగ్య సమస్యలు కూడా తలెత్తుతాయని  పలు అధ్యయనాలు చెబుతున్నాయి.  

యాంటీబయాటిక్స్ అనేవి బాక్టీరియా వల్ల కలిగే ఇన్ఫెక్షన్ల చికిత్సకు సహాయపడే మందులు. యాంటీబయాటిక్స్‌తో చికిత్స అందించే కొన్ని సాధారణ ఇన్‌ఫెక్షన్లలో బ్రోన్కైటిస్, న్యుమోనియా, యూరిన్ ఇన్‌ఫెక్షన్లు ఉన్నాయి. 

ప్రాణాలకే ప్రమాదం.. 

యాంటీబయాటిక్స్ ఇన్ఫెక్షన్ కలిగించే బ్యాక్టీరియాను చంపుతాయి లేదా బ్యాక్టీరియా పెరగకుండా ఆపుతాయి. చిన్న చిన్న అనారోగ్యసమస్యలకు యాంటీబయాటిక్స్ తీసుకోవడం వల్ల శరీరంలో యాంటీబయాటిక్స్ మోతాదు పెరిగి దుష్ప్రభావాలుతలెత్తడమేకాకుండా ప్రాణాలకే ప్రమాదం అని పరిశోధకులు హెచ్చరిస్తున్నారు.

ఇది కూడా చదవండి.. ఆయుష్షు రహస్యాలను గురించి చెప్పిన 111ఏళ్ల వృద్ధుడు..    

ఇది కూడా చదవండి.. WHO Report : ఈ వ్యాధి ప్రపంచంలో అత్యధిక మరణాలకు కారణమవుతోంది.. 

  ఇది కూడా చదవండి.. గుండె నొప్పిని ఎలా గుర్తించవచ్చు..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.