Coffee, Blood Pressure : కాఫీతో 'బీపీ' పెరుగుతుందా..? తగ్గుతుందా..? కాఫీ ప్రియులు ఖచ్చితంగా తెలుసుకోవాల్సిన విషయాలివే..

సాక్షి లైఫ్ : ఉదయం నిద్ర లేవగానే లేదా పని ఒత్తిడి నుంచి కాస్త ఉపశమనం పొందాలంటే చాలామందికి ముందుగా గుర్తొచ్చేది వేడివేడి కాఫీనే. కాఫీ ఆరోగ్యానికి ఎంతో మేలు చేస్తుందని, ముఖ్యంగా పాలు, చక్కెర లేకుండా తాగే 'బ్లాక్ కాఫీ' (black coffee) వల్ల అనేక ప్రయోజనాలు ఉన్నాయని పలు అధ్యయనాలు చెబుతున్నాయి. కాఫీ ఒక ఔషధంలా పనిచేస్తుంది. శరీరానికి తక్షణ శక్తిని, ఏకాగ్రతను ఇవ్వడంలో ఇది అద్భుతంగా సాయపడుతుంది. కాలేయం, మెదడు చురుగ్గా పనిచేయడానికి కూడా ఇది తోడ్పడుతుంది. అయితే, అతిగా తాగితే మాత్రం గుండె దడ, నిద్రలేమి, ఆందోళన వంటి దీర్ఘకాలిక సమస్యలు తప్పవని నిపుణులు హెచ్చరిస్తున్నారు.

ఇది కూడా చదవండి.. ఎసిడిటీని అంతమొందించే ఇంటి చిట్కాలు..  

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..?

బీపీకి కాఫీ మంచిదా..? కాదా..?

రక్తపోటు (bp) సమస్యలు ఉన్నవారు కాఫీ తాగొచ్చా? ఇది బీపీని పెంచుతుందా, తగ్గిస్తుందా? అనే సందేహాలు చాలామందిలో ఉంటాయి. దీనిపై సరైన అవగాహన లేకపోతే లాభం కంటే నష్టమే ఎక్కువని వైద్యులు వివరిస్తున్నారు. కాఫీలో ఉండే 'కెఫిన్' మన మెదడు, నాడీ వ్యవస్థను ఉత్తేజపరిచే ఒక సహజ ఉత్ప్రేరకం. అయితే, మన ఆరోగ్య పరిస్థితిని బట్టి సరైన మోతాదులోనే దీనిని తీసుకోవాలి.

అధ్యయనాలు ఏం చెబుతున్నాయి..?

అమెరికన్ హార్ట్ అసోసియేషన్ (AHA) నివేదికల ప్రకారం.. కెఫిన్ మన గుండె స్పందన రేటును, రక్తపోటును రెండింటినీ ప్రభావితం చేస్తుంది. ఇది శరీరంలో అడ్రినలిన్ హార్మోన్ల స్థాయిలను పెంచడం వల్ల తాత్కాలికంగా బీపీ పెరుగుతుంది.

కాఫీ తాగిన వెంటనే కొంతమందిలో సిస్టోలిక్, డయాస్టోలిక్ రక్తపోటు అమాంతం పెరుగుతాయని మాయో క్లినిక్ (MayoClinic) వెల్లడిస్తోంది. 
ముందు నుంచే హై-బీపీ (అధిక రక్తపోటు) ఉన్నవారు ఒకేసారి ఎక్కువ కాఫీ తాగితే ముప్పు పెరుగుతుంది. అయితే, రోజుకు 1-2 కప్పులు పరిమితంగా తాగితే పెద్దగా హాని ఉండదని అధ్యయనాలు స్పష్టం చేస్తున్నాయి.

బీపీ రోగులు ఎలాంటి జాగ్రత్తలు తీసుకోవాలి..?

లో-బీపీ (Hypotension) ఉంటే..? 

తక్కువ రక్తపోటుతో బాధపడేవారికి కాఫీ మంచి ఔషధంలా పనిచేస్తుంది. బీపీ ఒక్కసారిగా పడిపోయి కళ్లు తిరుగుతున్నట్లు, మగతగా అనిపించినప్పుడు ఒక కప్పు వేడి కాఫీ తాగితే తక్షణ ఉపశమనం లభిస్తుంది. అయితే, మరీ తరచుగా లో-బీపీ వస్తుంటే మాత్రం డాక్టర్‌ను సంప్రదించాలి.

హై-బీపీ (Hypertension) ఉంటే..? 

రక్తపోటు నిరంతరం ఎక్కువగా ఉండే రోగులు కాఫీకి వీలైనంత దూరంగా ఉండటమే మంచిది. కెఫిన్ వల్ల బీపీ మరింత పెరిగే ప్రమాదం ఉంది కాబట్టి, దీని వాడకాన్ని తగ్గించాలని వైద్యులు సూచిస్తున్నారు.

కొన్నిరకాల అనారోగ్య సమస్యలు ఉన్నవారు..

కొన్నిరకాల అనారోగ్య సమస్యలు ఉన్నవారు కాఫీకి, లేదా కెఫిన్ ఉండే ఇతర పదార్థాలకు దూరంగా ఉండాలి. నిరంతరం అధిక రక్తపోటు (high bp)తో బాధపడేవారు. గుండె లయ తప్పడం (Irregular heartbeat), ఆందోళన (Anxiety & Panic) సమస్యలు ఉన్నవారు. నిద్రలేమి సమస్యలతో సతమతమయ్యేవారు. గర్భిణీలు కూడా వైద్యుల సలహా మేరకే పరిమితంగా కెఫిన్ తీసుకోవాలి.

ఇది కూడా చదవండి..Diabetes : డయాబెటిస్ ను అదుపులో ఉంచుకోవడానికి ఎలాంటి ఆహార నియమాలు పాటించాలి..?

ఇది కూడా చదవండి.. రసాయనాలతో పండిన పుచ్చకాయను ఎలా కనుక్కోవచ్చు..

ఇది కూడా చదవండి..  షుగర్ ఉన్నవాళ్లు పైనాపిల్ తినకూడదా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.