Russian Scientists Develop Food Supplement : మతిమరుపు వ్యాధులకు చెక్ పెట్టే ఫుడ్ సప్లిమెంట్ ను కనుగొన్న రష్యా శాస్త్రవేత్తలు.. 

సాక్షి లైఫ్ : వృద్ధాప్యంలో వేధించే అల్జీమర్స్ అంటే తీవ్ర మతిమరుపు, పార్కిన్సన్స్ వంటి ప్రమాదకరమైన నాడీ సంబంధిత వ్యాధులను ప్రాథమిక దశలోనే అడ్డుకునే దిశగా అంతర్జాతీయ శాస్త్రవేత్తలు సరికొత్త మైలురాయిని అధిగమించారు. మెదడులోని నాడీ కణాల నష్టాన్ని సమర్థవంతంగా నెమ్మదింపజేస్తూ, కణాల క్షీణతకు కారణమయ్యే ఆక్సీకరణ ఒత్తిడిని తగ్గించగల ఒక అద్భుతమైన ఫుడ్ సప్లిమెంట్ ను రష్యా శాస్త్రవేత్తలు అభివృద్ధి చేశారు. రష్యాలోని ప్రసిద్ధ ‘ఇమ్మాన్యుయెల్ కాంట్ బాల్టిక్ ఫెడరల్ యూనివర్శిటీ’ పరిశోధకులు, దేశంలోని ఇతర ప్రముఖ శాస్త్రీయ కేంద్రాల శాస్త్రవేత్తలతో కలిసి ఉమ్మడిగా ఈ పరిశోధనను విజయవంతంగా పూర్తి చేశారు.

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

ఇది కూడా చదవండి..సడెన్ గా డైట్ చేంజ్ చేస్తే శరీరంలో ఎలాంటి మార్పులు సంభవిస్తాయి..? 

మెదడుపై ‘ఆక్సీకరణ ఒత్తిడి’ ముప్పు..

ఈ ఆవిష్కరణకు సంబంధించిన వివరాలను ప్రముఖ పరిశోధకురాలు ఓల్గా బాబిచ్ వెల్లడించారు. మన శరీరంలో అత్యధికంగా ఆక్సిజన్‌ను వినియోగించుకుంటూ, అత్యంత వేగవంతమైన జీవక్రియ రేటును కలిగి ఉండే కీలక అవయవం మెదడు.

కణాల నాశనానికి కారణం ఇదే..

జీవక్రియలు వేగంగా జరగడం వల్ల మెదడులో 'ఫ్రీ రాడికల్స్' విడుదలై ‘ఆక్సీకరణ ఒత్తిడి’ (oxidative stress) పెరుగుతుంది. ఇది మెదడులోని నాడీ కణాలను సులభంగా దెబ్బతీస్తుంది. ఫలితంగా వృద్ధాప్యంలో జ్ఞాపకశక్తి కోల్పోవడం, చేతులు-కాళ్లు వణకడం వంటి నాడీ సంబంధిత వ్యాధులు ముంచుకొస్తాయి.

రక్షణ కవచంలా ‘సైక్లిక్ పెప్టైడ్’..

ఈ ప్రమాదం నుంచి నాడీ వ్యవస్థను కాపాడటానికి శాస్త్రవేత్తల బృందం ఒక సరికొత్త వ్యూహాన్ని రచించింది. అదే కొత్త అణువు సృష్టి.. నాడీ వ్యవస్థ ఆరోగ్యాన్ని సంరక్షించడానికి కణాల వృద్ధాప్య ప్రక్రియను నెమ్మదింపచేయడానికి శాస్త్రవేత్తలు ‘సైక్లిక్ పెప్టైడ్’ రూపంలో ఒక కొత్త అణువును సృష్టించారు.

  ఈ అణువును భవిష్యత్తులో మనం తీసుకునే ప్రత్యేక ఆరోగ్యకరమైన ఆహార పదార్థాలలో ఒక ముఖ్యమైన పదార్ధంగా ఉపయోగించవచ్చు. ఇది నాడీ కణాలకు రక్షణ కవచంలా పనిచేస్తుంది.

ప్రయోగశాల దశలోనే ఆవిష్కరణ..!

నాడీ కణాల రక్షణ రంగంలో ఈ పరిశోధన ఒక విప్లవాత్మక అడుగు అయినప్పటికీ, ఇది ఇంకా ప్రారంభ ప్రయోగాత్మక దశలోనే ఉందని వైద్య నిపుణులు స్పష్టం చేస్తున్నారు.

జంతువులపై ప్రయోగాలు.. 

ల్యాబ్‌లో సృష్టించిన ఈ సరికొత్త అణువు పనితీరును నిర్ధారించడానికి ప్రస్తుతం జంతువులపై తుది విడత ప్రయోగాలు జరుగుతున్నాయి.

మానవులపై క్లినికల్ ట్రయల్స్.. 

జంతువులపై ప్రయోగాలు విజయవంతమైన తర్వాత, ఈ సమ్మేళనం మానవ శరీరానికి ఎంతవరకు సురక్షితమైనదో పరీక్షించడానికి వివిధ దశల్లో క్లినికల్ ట్రయల్స్ నిర్వహిస్తారు. పూర్తిస్థాయి పరిశోధనల అనంతరం దీని సమర్థత, భద్రత పూర్తిగా రుజువైతేనే.. దీనిని రోగులకు చికిత్సగా లేదా మార్కెట్లో లభించే అధికారిక ఫుడ్ సప్లిమెంట్‌గా వినియోగించడానికి అనుమతులు లభిస్తాయి.

ఇది కూడా చదవండి..మార్నింగ్ వాక్ చేసేటపుడు ఈ ఆరు విషయాలు గుర్తుంచుకోండి..ఎందుకంటే..?

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..పనీర్ తినడం వల్ల ఎన్ని ఆరోగ్య ప్రయోజనాలున్నాయో తెలుసా..? 

ఇది కూడా చదవండి..అవకాడోతో కలిపి తినకూడని ఆహారపదార్థాలు ఏమిటి..?

 గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..