Digital Stethoscope : మెరుగైన వైద్యం కోసం: డిజిటల్ స్టెతస్కోప్‌తో టీబీ గుర్తింపు.. 

సాక్షి లైఫ్ : ఏఐ రోజు రోజుకూ అన్నిరంగాల్లో ముందుకు దూసుకుపోతోంది. ప్రపంచవ్యాప్తంగా ప్రాణాంతక వ్యాధుల్లో ఒకటిగా కొనసాగుతున్న క్షయ (టీబీ) కట్టడికి ఆధునిక సాంకేతికత తోడవుతోంది. తాజాగా నిర్వహించిన ఒక అధ్యయనం ప్రకారం, ఆర్టిఫిషియల్ ఇంటెలిజెన్స్ (AI) ఆధారిత డిజిటల్ స్టెతస్కోప్‌లు క్షయవ్యాధి నిర్ధారణలో అద్భుతమైన ఫలితాలను ఇస్తున్నట్లు వెల్లడైంది. వైద్య సౌకర్యాలు తక్కువగా ఉండే మారుమూల ప్రాంతాల్లో ఈ పరికరం ఒక సంజీవనిలా మారనుందని నిపుణులు ఆశాభావం వ్యక్తం చేస్తున్నారు.

ఇది కూడా చదవండి..Top Medical Researches of 2025: వైద్య రంగంలో సరికొత్త సాంకేతికత: 2025 టాప్ రీసెర్చెస్.. 

ఇది కూడా చదవండి..Betel Leaves Help Reduce Cholesterol : తమలపాకు తింటే కొలెస్ట్రాల్‌ తగ్గుతుందా..?

ఇది కూడా చదవండి..Best foods: కొలెస్ట్రాల్‌ను సహజంగా తగ్గించే ఆహార పదార్థాలు ఏవి..?

ఎలా పనిచేస్తుంది మరి..?

సాధారణ స్టెతస్కోప్‌తో వైద్యులు గుండె, ఊపిరితిత్తుల శబ్దాలను విని రోగాన్ని అంచనా వేస్తారు. కానీ, 'ఏఐ' స్టెతస్కోప్ అంతకంటే ఒక అడుగు ముందుకు వేస్తుంది. మానవ చెవికి వినిపించని అత్యంత సూక్ష్మమైన ఊపిరితిత్తుల శబ్దాలను ఇది రికార్డ్ చేస్తుంది. దీనిలోని క్లిష్టమైన అల్గారిథమ్‌లు లక్షలాది మంది రోగుల డేటాతో విశ్లేషించి, క్షయ లక్షణాలను సెకన్ల వ్యవధిలోనే గుర్తిస్తాయి.

డిజిటల్ రికార్డింగ్.. ఊపిరితిత్తుల శబ్దాలను డిజిటల్ రూపంలో భద్రపరచడం ద్వారా ఇతర ప్రాంతాల్లోని నిపుణులకు (Tele-medicine) పంపి సలహాలు తీసుకోవచ్చు.

దీనివల్ల ప్రయోజనాలు ఏంటి..? 

తక్కువ ఖర్చు.. ఎక్స్-రే, స్పుటం అంటే కళ్లె పరీక్షలు అందుబాటులో లేని చోట ఇది ప్రాథమిక పరీక్షగా ఎంతో ఉపయోగపడుతుంది. వ్యాధిని ప్రారంభ దశలోనే గుర్తించడం వల్ల మరణాల రేటును తగ్గించవచ్చు. ఎక్స్-రే రేడియేషన్ భయం లేకుండా గర్భిణీ స్త్రీలకు కూడా ఈ పరీక్ష నిర్వహించవచ్చు.

 ప్రస్తుతం అందుబాటులో ఉన్న పద్ధతుల్లో లక్షలాది టీబీ కేసులు తక్కువగా నమోదవుతున్నాయి. ఏఐ స్టెతస్కోప్‌ల ద్వారా ఈ లోటును పూడ్చవచ్చు. ఇది కేవలం పరీక్షా పరికరం మాత్రమే కాదు, గ్రామీణ ప్రజలకు నిపుణుల స్థాయి వైద్యాన్ని చేకూర్చే ఒక వారధి" అని కెనడాలోని మెక్‌గిల్ వర్సిటీ పరిశోధకులు పేర్కొన్నారు.

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..బ్లడ్ క్యాన్సర్ ను గుర్తించడానికి ఎలాంటి పరీక్షలు చేస్తారు..? 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..